പോത്തന്കോട്: ഇലക്ഷന് പ്രചരണത്തിന്റെ ഭാഗമായി വോട്ട് ചോദിച്ച് വീട്ടിലെത്തിയപ്പോള് തനിക്ക് കമ്മല് വേണമെന്ന് തിരിച്ച് ആവശ്യപ്പെട്ട വിലാസിനിക്ക് പുതുപുത്തന് സ്വര്ണ്ണ കമ്മല് സമ്മാനിച്ച് സിപിഎം സ്ഥാനാര്ത്ഥി എംഎ ഷഹീന്. പോത്തന്കോട് ബ്ലോക്ക് പഞ്ചായത്ത് മുരുക്കുംപുഴ ഡിവിഷനിലാണ് സംഭവം.
മുരുക്കുംപുഴ ഡിവിഷനിലെ സിപിഎം സ്ഥാനാര്ത്ഥി മംഗലപുരം ഷാനവാസ് ബംഗ്ലാവില് എംഎ ഷഹീന് വീട്ടില് വോട്ട് ചോദിച്ച് എത്തിയപ്പോഴാണ് തോന്നയ്ക്കല് പുതുവല്പുത്തന്വീട്ടിലെ വിലാസിനിയമ്മ ( 62 ) തിരിച്ച് കമ്മല് ആവശ്യപ്പെട്ടത്. ‘പിന്നെന്താ തെരഞ്ഞെടുപ്പു കഴിഞ്ഞോട്ടെ’ എന്നായിരുന്നു സ്ഥാനാര്ത്ഥിയുടെ മറുപടി.
തെരഞ്ഞെടുപ്പ് കഴിഞ്ഞു. 600 വോട്ട് ഭൂരിപക്ഷത്തില് ഷഹീന് ജയിക്കുകയും ചെയ്തു. അപ്പോഴും അദ്ദേഹം വിലാസിനിയെ മറന്നില്ല. രണ്ടു ഗ്രാം സ്വര്ണക്കമ്മലുമായി ഷഹീന് വിലാസിനിയുടെ വീട്ടിലെത്തി. അടുപ്പക്കാര് കമ്മല് കാതിലണിയിച്ചപ്പോള് സന്തോഷവും നാണവും കൊണ്ട് വിലാസിനിയമ്മയുടെ മുഖം സ്വര്ണ്ണത്തില് തിളങ്ങി.
അതേസമയം, തിരുവനന്തപുരത്ത് ഒരു വര്ഷത്തേക്കു കോര്പറേഷനില് മേയര് പദവി വേണമെന്ന് സിപിഐയുടെ അവകാശവാദം. പാര്ട്ടി ജില്ലാ നേതൃയോഗത്തിന്റെ ശുപാര്ശ സംസ്ഥാന നേതൃത്വം സിപിഎമ്മിനു മുന്നില് വച്ചു. കഴിഞ്ഞ തദ്ദേശഭരണ കാലയളവില് ലഭിച്ച തൃശൂര്, കൊല്ലം ജില്ലാ പഞ്ചായത്ത് പ്രസിഡന്റ്, മേയര് പദവികളും സിപിഐ വീണ്ടും അവകാശപ്പെടും.
രണ്ടിടത്തും ഇരു പദവികളും സിപിഎമ്മും സിപിഐയും പങ്കിടുകയായിരുന്നു. ഇത്തവണ കൊല്ലത്ത് സിപിഎമ്മിനു തനിച്ചു ഭരിക്കാന് ഭൂരിപക്ഷം ഉള്ളതിനാല് മേയര് പദവി അവര് പങ്കിടുമോ എന്നതില് ആശങ്കയുണ്ട്. ഇതുകൂടി കണക്കിലെടുത്താണ് പാര്ട്ടിക്ക് 9 അംഗങ്ങളുള്ള തിരുവനന്തപുരത്ത് ചോദിച്ചിരിക്കുന്നത്. സിപിഎമ്മിനു തനിച്ചു തലസ്ഥാനത്തു ഭൂരിപക്ഷമില്ല