തിരുവനന്തപുരം: കേരളത്തില് വരുംദിവസങ്ങളില് വ്യാപക മഴയ്ക്ക് സാധ്യതയെന്ന് മുന്നറിയിപ്പ്. ബംഗാള് ഉള്ക്കടലില് സ്ഥിതി ചെയ്യുന്ന ന്യൂനമര്ദ്ദം 36 മണിക്കൂറിനുള്ളില് ശക്തി പ്രാപിക്കാന് സാധ്യതയുണ്ടെന്നും കാലാവസ്ഥ വകുപ്പ് അറിയിച്ചു.
നിലവില് മധ്യ പടിഞ്ഞാറന് ബംഗാള് ഉള്ക്കടലില് ആന്ധ്രാ – ഒഡിഷ തീരത്തിനു അകലെയായാണ് ന്യൂനമര്ദ്ദം സ്ഥിതി ചെയ്യുന്നത്. വെള്ളിയാഴ്ച മുതല് ഞായറാഴ്ച വരെ ഇതിന്റെ സ്വാധീനഫലമായി വ്യാപകമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു.
also read: ഓണക്കാലത്ത് റെക്കോര്ഡ് മദ്യവില്പ്പന, ഉത്രാടദിനത്തില് കേരളം കുടിച്ചത് 117 കോടി രൂപയുടെ മദ്യം
ശക്തമായ മഴയ്ക്കും സാധ്യതയുള്ളതിനാല് ജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു. മണ്സൂണ് പാത്തി അതിന്റെ സാധാരണ സ്ഥാനത്തുനിന്നും തെക്കോട്ടു മാറി സ്ഥിതി ചെയുന്നു. മത്സ്യത്തൊഴിലാളികള്ക്കും മുന്നറിയിപ്പ് നല്കിയിട്ടുണ്ട്.
ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് കേരള തീരത്ത് നിന്നും വെള്ളിയാഴ്ച മത്സ്യബന്ധനത്തിനു പോകാന് പാടില്ലെന്നും കാലാവസ്ഥ വകുപ്പ് അറിയിച്ചു.