തിരുവനന്തപുരം: ഓണക്കാലത്ത് വെള്ളത്തില് മുങ്ങി കേരളം. സംസ്ഥാനത്ത് ഉത്രാടദിനത്തില് റെക്കോര്ഡ് മദ്യവില്പ്പനയാണ് ഉണ്ടായതെന്ന് ബിവറേജസ് കോര്പ്പറേഷന് പുറത്തു വിട്ട കണക്കുകള് വ്യക്തമാക്കുന്നു. 100 കോടി കടന്നിരുന്നു ഉത്രാട ദിനത്തിലെ മദ്യ വില്പ്പന.
കേരളത്തില് ഇത്തവണ 117 കോടി രൂപയ്ക്കാണ് ബുധനാഴ്ച മദ്യം വിറ്റത്. കൊല്ലം ആശ്രാമം ഔട്ട്ലെറ്റിലാണ് കൂടുതല് മദ്യം വിറ്റത്. ഉത്രാടദിനം വരെയുള്ള ഏഴുദിവസത്തെ മദ്യവില്പ്പന 624 കോടി രൂപയാണ്. നാലു ഔട്ട്ലെറ്റുകള് ഇത്തവണ ഒരുകോടിയിലധികം രൂപയുടെ മദ്യവില്പ്പന നടത്തിയിട്ടുണ്ട്.
ഇരിങ്ങാലക്കുട, ചേര്ത്തല കോര്ട്ട് ജംഗ്ഷന്, പയ്യന്നൂര്, തിരുവനന്തപുരം പവര്ഹൗസ് റോഡ് എന്നീ ഔട്ട്ലെറ്റുകളിലാണ് വന് വില്പ്പന നടന്നിട്ടുള്ളത്. ഓണക്കാല മദ്യവില്പ്പനയിലൂടെ 550 കോടിയാണ് നികുതി ഇനത്തില് സര്ക്കാരിന് ലഭിക്കുക.