കൊച്ചി: കൊച്ചിയിലെ എടിഎമ്മുകളില് നിന്ന് പണം കവര്ന്ന പ്രതി പിടിയില്. ഉത്തര്പ്രദേശ് സ്വദേശിയായ മുബാറക്ക് എന്നയാളാണ് പിടിയിലായത്. തട്ടിപ്പില് കൂടുതല് പേര് ഉണ്ടോയെന്നത് ഉള്പ്പടെയുള്ള കാര്യങ്ങള് പൊലീസ് പരിശോധിക്കുന്നുണ്ട്
ഇടപ്പള്ളിയില് നിന്ന് പിടികൂടിയ ഇയാളെ ചോദ്യം ചെയ്തുവരികയാണെന്ന് പൊലീസ് പറഞ്ഞു. കൊച്ചിയിലെ 11 ഇടങ്ങളിലാണ് തട്ടിപ്പ് നടന്നത്. എടിഎമ്മിലെ പണം വരുന്ന ഭാഗത്ത് കൃത്രിമം നടത്തിയായിരുന്നു തട്ടിപ്പ്. കളമശ്ശേരി എടിഎമ്മില് നിന്നും ഒരു ദിവസം കാല്ലക്ഷം രൂപയാണ് ഇത്തരത്തില് തട്ടിയെടുത്തത്.
കൊച്ചിയിലെ സൗത്ത് ഇന്ഡ്യന് ബാങ്കിന്റെ എടിഎമ്മുകളിലാണ് വ്യാപക തട്ടിപ്പു നടന്നത്. 18-ാം തീയതിയാണ് കളമശ്ശേരി പ്രീമിയര് ജംഗ്ഷനിലെ എടിഎമ്മില് നിന്നും പണം തട്ടിയെടുത്തത്. ഇതില് കേസെടുത്ത് പൊലീസ് അന്വേഷണം നടത്തിയപ്പോഴാണ് കൂടുതല് സ്ഥലങ്ങളില് തട്ടിപ്പു നടന്നതായി വ്യക്തമായത്.