തിരുവനന്തപുരം: ലോക്ഡൗണ് മാര്ഗനിര്ദേശങ്ങളുമായി സര്ക്കാര് ഉത്തരവ് പുറത്തിറങ്ങി. അടിയന്തര പ്രാധാന്യമില്ലാത്ത കേന്ദ്ര, സംസ്ഥാന സര്ക്കാര് സ്ഥാപനങ്ങള് അടച്ചിടും.
*ചരക്കുവാഹനങ്ങള് തടയില്ല. അവശ്യവസ്തുക്കളും മരുന്നുകളും എത്തിക്കാന് ഓട്ടോ, ടാക്സി ഇവ ഉപയോഗിക്കാം.
*വിമാനത്താവളങ്ങളിലും റെയില്വേ സ്റ്റേഷനുകളിലും ഓട്ടോ, ടാക്സി ഇവ ലഭ്യമാകും. സ്വകാര്യവാഹനങ്ങള് അവശ്യവസ്തുക്കളും മരുന്നും വാങ്ങാന് മാത്രം പുറത്തിറക്കാം.
*കോവിഡ് വാക്സിനേഷന് സ്വന്തം വാഹനങ്ങളില് യാത്രചെയ്യാം.
*ഭക്ഷ്യവസ്തുക്കള് വില്പന നടത്താം. ഭക്ഷ്യവസ്തുക്കള് വില്ക്കുന്ന കടകള് വൈകിട്ട് 7.30 വരെ തുറക്കാം. എല്ലാ കടകളും പരമാവധി ഹോം ഡെലിവറി രീതി പിന്തുടരണം.
*ബാങ്കുകള്, ഇന്ഷുറന്സ്, ധനകാര്യ സ്ഥാപനങ്ങള് ഒരു മണിവരെ.
*റെയില്, വിമാന സര്വീസുകള് ഒഴികെ യാത്രാഗതാഗതം അനുവദിക്കില്ല.
*ഹോംനഴ്സ്, പാലിയേറ്റിവ് പ്രവര്ത്തകര്ക്ക് ജോലി സ്ഥലങ്ങളിലേക്ക് േപാകാം.
*ഐടി, അനുബന്ധ സ്ഥാപനങ്ങള് നിബന്ധനകള്ക്ക് വിധേയമായി തുറക്കാം
*എല്ലാത്തരം വിദ്യാഭ്യാസ സ്ഥാപനങ്ങളും അടച്ചിടും.
*പെട്രോള് പമ്പുകള്, കോള്ഡ് സ്റ്റോറേജുകള് പ്രവര്ത്തിപ്പിക്കാം.
*ആരാധനാലയങ്ങളില് പൊതുജനങ്ങളെ പ്രവേശിപ്പിക്കില്ല. ആള്ക്കൂട്ടമുണ്ടാകുന്ന മത, രാഷ്ട്രീയ, സാമൂഹിക, വിനോദ, കായിക, പരിപാടികള്ക്ക് വിലക്ക്.
*കൃഷി, ഹോര്ട്ടികള്ച്ചര്, മത്സ്യബന്ധനം, മൃഗസംരക്ഷണമേഖലകള്ക്ക് അനുമതി. കോവിഡ് മാനദണ്ഡങ്ങള് കര്ശനമായി പാലിച്ചു മാത്രമേ പ്രവര്ത്തിക്കാവൂ.
*വിവാഹങ്ങളില് 20 പേര്. പൊലീസ് സ്റ്റേഷനില് മുന്കൂട്ടി അറിയിക്കണം. റജിസ്ട്രേഷന് വേണം.
*വാഹന, അത്യാവശ്യ ഉപകരണ റിപ്പയര് കടകള് തുറക്കാം.
*അടിയന്തര പ്രാധാന്യമില്ലാത്ത വാണിജ്യ, വ്യവസായ മേഖലകള് അടച്ചിടും.
*മൃതദേഹസംസ്കരണത്തിന് പരമാവധി 20 പേര്. കോവിഡ് ജാഗ്രത പോര്ട്ടലില് റജിസ്റ്റര് ചെയ്യണം.
*ഇലക്ട്രിക്കല്, പ്ലമിങ് സേവനങ്ങള് ലഭ്യമാക്കുന്നതിന് തടസ്സമില്ല.
*മഴക്കാലപൂര്വ ശുചീകരണ പ്രവര്ത്തനങ്ങള്ക്ക് തടസ്സമില്ല.
*നിര്മാണ മേഖലയില് കോവിഡ് മാനദണ്ഡങ്ങള് പാലിച്ച് ജോലി തുടരാം.
*തൊഴിലുറപ്പ് ജോലി ചെയ്യുന്നവരെ 5 പേരുടെ സംഘങ്ങളായി തിരിക്കണം.
മെയ് എട്ടു മുതല് 16 വരെ സംസ്ഥാനത്ത് സമ്പൂര്ണ ലോക്ക്ഡൗണ്. ശനിയാഴ്ച രാവിലെ ആറ് മണി മുതല് ഒമ്പത് ദിവസമാണ് സംസ്ഥാനം പൂര്ണമായും അടച്ചിടുക. കൊവിഡ് 19 രണ്ടാം തരംഗം ശക്തമായ പശ്ചാത്തലത്തിലാണിത്. സംസ്ഥാനത്ത് കഴിഞ്ഞ ഒരാഴ്ച്ചയായി വലിയ തോതില് രോഗികളുടെ എണ്ണം വര്ധിക്കുന്നതിന്റെ പശ്ചാത്തലത്തിലാണ് ലോക്ക്ഡൗണ്.