തിരുവനന്തപുരം; കേരളത്തില് ഇന്നും മഴ തുടരുമെന്ന് മുന്നറിയിപ്പ്. ഏഴ് ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. തമിഴ്നാടിനും സമീപ പ്രദേശങ്ങള്ക്ക് മുകളിലായി ചക്രവാതചുഴി നിലനില്ക്കുന്നുണ്ട്. തമിഴ്നാട് മുതല് മധ്യപ്രദേശ് വരെ ന്യൂനമര്ദ്ദ പാത്തി നിലനില്ക്കുന്നുണ്ട്.
അടുത്ത അഞ്ച് ദിവസം ഇതിന്റെ ഫലമായി കേരളത്തില് വ്യാപകമായ മഴയ്ക്ക് സാധ്യതയുണ്ടെന്നാണ് കാലാവസ്ഥ വകുപ്പ് അറിയിച്ചത്. തിരുവനന്തപുരം, കൊല്ലം, ആലപ്പുഴ, പത്തനംതിട്ട, കോട്ടയം, എറണാകുളം, ഇടുക്കി മലപ്പുറം ജില്ലകളിലാണ് ഇന്ന് ഓറഞ്ച് അലര്ട്ട് പ്രഖ്യാപിച്ചത്. മറ്റ് എല്ലാ ജില്ലകളിലും യെല്ലോ അലര്ട്ടാണ്.
also read: നടൻ ധർമ്മജന്റെ ഫിഷ് മാർട്ടിന്റെ വാഹനം അടിച്ചു തകർത്തു; സ്ഥാപനത്തിലെ ജീവനക്കാർക്കും മർദ്ദനം
വെള്ളിയാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം കോഴിക്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചു.
ശനിയാഴ്ച കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം ജില്ലകളിലും കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലും യെല്ലോ അലര്ട്ട് പ്രഖ്യാപിച്ചു.
കേരള ലക്ഷദ്വീപ് തീരങ്ങളില് വെള്ളിയാഴ്ച വരെ മത്സ്യബന്ധനത്തിനു വിലക്കേര്പ്പെടുത്തി. 55 കി.മീ. വരെ വേഗത്തില് കാറ്റിനും സാധ്യതയുണ്ട്.