തൊടുപുഴ: സംസ്ഥാനത്ത് പലയിടത്തും ഇന്നും മഴ തുടരുകയാണ്. മിക്ക അണക്കെട്ടുകളിലേയും ജലനിരപ്പുയര്ന്ന് ഷട്ടറുകള് ഉയര്ത്തിയിട്ടുണ്ട്. ഇടുക്കി ഡാമില് ജലനിരപ്പ് 2382.53 അടിയായി ഉയര്ന്നിരിക്കുകയാണ്. ഇതോടെ ഡാമില് റെഡ് അലര്ട്ട് പ്രഖ്യാപിച്ചു.
ഡാമിലെ അധിക ജലം സ്പില്വേയിലൂടെ ഒഴുക്കി വിടുന്നതിന്റെ ഭാഗമായുള്ള മുന്നാം ഘട്ട മുന്നറിയിപ്പാണ് റെഡ് അലര്ട്ട്. അതിനാല് പെരിയാറിന്റെ ഇരുകരകളിലുമുള്ളവര് ജാഗ്രത പാലിക്കണമെന്ന് അധികൃതര് അറിയിച്ചു. അതേസമയം 10 സ്പില്വേ ഷട്ടറുകള് തുറന്നിട്ടും മുല്ലപ്പെരിയാറില് ജലനിരപ്പ് താഴ്ന്നിട്ടില്ല.
also read: കര്ണാടകയ്ക്ക് മുകളില് മറ്റൊരു ചക്രവാതചുഴി , അതിശക്തമായ മഴയ്ക്ക് സാധ്യത
138.05 അടിയാണ് മുല്ലപ്പെരിയാറിലെ നിലവിലെ ജലനിരപ്പ്. തൃശൂരിലെ പെരിങ്ങല്ക്കുത്ത്, ഷോളയാര് അണക്കെട്ടുകളില് ഓറഞ്ച് അലര്ട്ട് തുടരുകയാണ്. മഴ കുറഞ്ഞതിനെത്തുടര്ന്നു സംസ്ഥാനത്ത് ഇന്ന് തീവ്ര, അതിതീവ്ര മഴ മുന്നറിയിപ്പുകള് ഇല്ലെങ്കിലും ഒറ്റപ്പെട്ടയിടങ്ങളില് ശക്തമായ മഴയ്ക്ക് സാധ്യതയുണ്ട്.
ഇടുക്കി, കണ്ണൂര്, കോഴിക്കോട്, കാസര്കോട് ജില്ലകളില് ഇന്ന് യെലോ അലര്ട്ടുണ്ട്. കഴിഞ്ഞ ദിവസങ്ങളിലുണ്ടായ ശക്തമായ മഴയില് വെള്ളം കയറിയ പല പ്രദേശങ്ങളും ഇപ്പോഴും വെള്ളത്തില് തന്നെ തുടരുകയാണ്. പല സ്ഥലങ്ങളിലും റോഡുകള്ക്കും കേടുപാടുകള് സംഭവിച്ചിട്ടുണ്ട.