തിരുവനന്തപുരം: സംസ്ഥാനത്ത് കനത്ത മഴ തുടരുകയാണ്. ഒട്ടുമിക്ക നദികളും കരകവിഞ്ഞൊഴുകി തുടങ്ങി. മണിമലയാര്, പമ്പ, അച്ചന്കോവിലാര്, കരമനയാര് എന്നീ നദികളില് അപകട നിലയും കടന്ന് വെള്ളം ഒഴുകുകയാണ്. സംസ്ഥാനത്തെ അഞ്ച് നദീതീരങ്ങളില് പ്രളയമുന്നറിയിപ്പ് പുറപ്പെടുവിച്ചിട്ടുണ്ട്.
ജലനിരപ്പ് അതിവേഗം ഉയരുന്നതിനാല് പുല്ലക്കയാര്, മാടമന്, കല്ലൂപ്പാറ, വെള്ളയ്ക്കടവ്, അരുവിപ്പുറം എന്നിവിടങ്ങളിലാണ് പ്രളയ സാധ്യത മുന്നറിയിപ്പുള്ളത്. കേന്ദ്ര ജലക്കമ്മീഷനാണ് പ്രളയ മുന്നറിയിപ്പ് പുറപ്പെടുവിച്ചത്. നദീതിരത്തുള്ളവര് അതീവ ജാഗ്രത പാലിക്കണമെന്നും നിര്ദേശം നല്കിയിട്ടുണ്ട്.
also read: കുതിച്ചുയര്ന്ന് സ്വര്ണവില, രണ്ടാഴ്ചയ്ക്കിടെ 1000 രൂപയുടെ വര്ധനവ്, ഇന്നത്തെ വില അറിയാം
ശക്തമായ മഴയില് കോട്ടയം പാലാ കൊട്ടാരമറ്റം ഭാഗം വെള്ളത്തില് മുങ്ങി. കാഞ്ഞിരപ്പള്ളി കരിമ്പുകയം ക്രോസ് വേയിലും വീടുകളിലും വെള്ളം കയറി. കൂട്ടിക്കല് മ്ലാക്കരയില് പാലം ഒഴുകിപ്പോയതിനെത്തുടര്ന്ന് കുടുങ്ങിയ മൂന്ന് കുടുംബങ്ങളിലെ 10 പേരെ രക്ഷപ്പെടുത്തി.
പെരിയാര് കരകവിഞ്ഞതിനെത്തുടര്ന്ന് ആലുവശിവക്ഷേത്രം മുങ്ങി. ആലുവ മൂന്നാര് റോഡിലും വെള്ളം കയറി. ഏലൂര് കുട്ടിക്കാട്ടുകരയില് പെരിയാര് കരകവിഞ്ഞതിനെത്തുടര്ന്ന് 40 കുടുംബങ്ങളെ മാറ്റി. കോതമംഗലം ടൗണും, തങ്കളം ബൈപ്പാസും മണികണ്ഠന്ചാലും കുടമുണ്ട പാലവും വെള്ളത്തിലായി.
വെള്ളം കയറിയതിനെത്തുടര്ന്ന് മൂവാറ്റുപുഴ കൊച്ചങ്ങാടിയില് നിന്ന് ആളുകളെ മാറ്റിപാര്പ്പിച്ചു. പാലക്കാട് ഗായത്രിപ്പുഴ കരകവിഞ്ഞതിനെത്തുടര്ന്ന് ആലംപള്ളം ചപ്പാത്ത് വെള്ളത്തിനടിയിലായി.