കോട്ടയം: മാലിന്യങ്ങള്ക്കിടയില് നിന്നും അസ്ഥികൂടം കണ്ടെടുത്തു. പാലാ മുരിക്കുംപുഴയിലാണ് സംഭവം. മുരിക്കുംപുഴയിലെ ആളൊഴിഞ്ഞ പുരയിടത്തിലാണ് അസ്ഥികൂടം കണ്ടെത്തിയത്. തലയോട്ടിയും കൈകാല് ഭാഗങ്ങളുടെ അസ്ഥികളും കണ്ടെത്തിയിട്ടുണ്ട്.
റോഡിനോട് ചേര്ന്നുള്ള സ്ഥലത്താണ് അസ്ഥികൂടം കണ്ടെത്തിയത്. മദ്യക്കുപ്പികളും മറ്റു മാലിന്യങ്ങളും ഇതോടൊപ്പം കണ്ടെത്തിയിട്ടുണ്ട്. പ്ലാസ്റ്റിക് കൂടില് പൊതിഞ്ഞ് ഇവ കൊണ്ടുവന്നിട്ട താണെന്നാണ് കരുതുന്നത്. പ്രദേശത്ത് മത്സ്യം വില്ക്കാന് എത്തിയവരാണ് ആദ്യം തലയോട്ടിയുടെ ഭാഗങ്ങള് കണ്ടത്.
Also Read: കാമുകനൊപ്പം ഒളിച്ചോടിയ അനുജത്തിയുടെ തല സഹോദരന് വെട്ടിയെടുത്തു; ക്രൂരതയ്ക്ക് കൂട്ടുനിന്നത് അമ്മയും!
പഠനത്തിനായി ഉപയോഗിച്ച ഡമ്മികളാണോയെന്നും സംശയമുണ്ട്. സംഭവത്തില് പാലാ പോലീസ് സ്ഥലത്തെത്തി പരിശോധനകള് ആരംഭിച്ചു. നഗരസഭാ കൗണ്സിലര് ബിനു പുളിക്കക്കണ്ടവും സ്ഥലത്തെത്തി.