കൊല്ലം: പൊലീസ് സ്റ്റേഷനില് നിന്ന് പുറത്തേക്ക് ഇറങ്ങുന്നതിന് ഇടയില് പടിക്കെട്ടില് തലയടിച്ച് വീണ എഎസ്ഐ മരിച്ചു. ഏഴുകോണ് സ്റ്റേഷനിലെ എഎസ്ഐ ബി ശ്രീനിവാസന് പിള്ള ആണ് മരിച്ചത്. നാല്പ്പത്തിയേഴ് വയസ്സായിരുന്നു. 22 മണിക്കൂര് നീണ്ട ഡ്യൂട്ടിക്ക് ശേഷം വീട്ടിലേക്ക് മടങ്ങുന്നതിനിടെയായിരുന്നു അപകടം.
കഴിഞ്ഞ ശനിയാഴ്ച രാവിലെയാണ് ശ്രീനിവാസന് പിള്ള സ്റ്റേഷനിലെ പടിക്കെട്ടില് തലയടിച്ച് വീണത്. വെള്ളിയാഴ്ച രാവിലെ ഡ്യൂട്ടിയില് പ്രവേശിച്ച എഎസ്ഐ ശനിയാഴ്ച രാവിലെ 9ന് ഡ്യൂട്ടി അവസാനിപ്പിച്ച് ഇറങ്ങാന് ഇരുന്നതായിരുന്നു. എന്നാല് ശനിയാഴ്ച രാവിലെ 7.30ടെ പടിക്കെട്ടിലേക്ക് കുഴഞ്ഞു വീണു.
Read also: ഇടിമിന്നലേറ്റ് വീട്ടിലെ ഫാന് പൊട്ടിത്തെറിച്ചു, കൊച്ചു കുട്ടി ഉള്പ്പെടെ രണ്ടു പേര്ക്ക് പരിക്ക്
തലയ്ക്ക് ഗുരുതര പരിക്കേറ്റ അദ്ദേഹത്തെ കൊല്ലത്തെ സ്വകാര്യ ആശുപത്രിയിലാണ് പ്രവേശിപ്പിച്ചത്. വെന്റിലേറ്ററില് കഴിഞ്ഞിരുന്ന എഎസ്ഐയ്ക്ക് ചൊവ്വാഴ്ച രാവിലെയോടെ മസ്തിഷ്കാഘാതം സംഭവിച്ചു. വന് ജനാവലിയുടെ സാന്നിധ്യത്തിലാണ് സംസ്കാര ചടങ്ങുകള് നടന്നത്.
ബന്ധുക്കള് സമ്മതം അറിയിച്ചതോടെ അദ്ദേഹത്തിന്റെ വൃക്ക, കരള് എന്നീ അവയവങ്ങള് ദാനം ചെയ്തു. തിരുവനന്തപുരം, കോട്ടയം മെഡിക്കല് കോളജിലേക്കാണ് ദാനം ചെയ്തത്.