ചെന്നൈ: പല്ലുതേക്കുന്നതിനിടെ യുവതിയുടെ കവിളില് തുളച്ചുകയറിയ ബ്രഷ് പുറത്തെടുത്തു. തമിഴ്നാട്ടിലാണ് ഞെട്ടിക്കുന്ന സംഭവം. കാഞ്ചീപുരം ജില്ലയിലെ രേവതി എന്ന 34 കാരിയുടെ കവിളിലാണ് പല്ല് തേക്കുന്നതിനിടെ ടൂത്ത് ബ്രഷ്
തുളഞ്ഞുകയറിയത്.
മാര്ച്ച് 4നാണ് സംഭവം നടന്നത്. രാവിലെ പല്ലുതേക്കുന്നതിനിടെ ഇവര് കാല്വഴുതി ബാത്ത്റൂമിന്റെ തറയില് വീണു. വീഴ്ചയുടെ ആഘാതത്തില് ഇവരുടെ തല തറയില് ഇടിക്കുകയും ബ്രഷ് കവിളില് തുളഞ്ഞുകയറുകയുമായിരുന്നു. ഇതോടെ രേവതിക്ക് അവരുടെ വായ അടയ്ക്കാന് കഴിയാത്ത അവസ്ഥയിലായി.
also read: സ്വര്ണ്ണവില കുത്തനെ മുകളിലേക്ക്, ഒറ്റയടിക്ക് കൂടിയത് 1040 രൂപ, ഇന്നത്തെ വില ഇങ്ങനെ
തുടര്ന്ന് ഉടന് തന്നെ ഇവരെ കാഞ്ചീപുരം ഗവണ്മെന്റ് ആശുപത്രിയില് പ്രവേശിപ്പിച്ചു. ഗവണ്മെന്റ് ആശുപത്രിയിലെ സര്ജന്മാര് ഇവരുടെ വായയില് നിന്നും ബ്രഷ് നീക്കം ചെയ്യാന് തിരുമാനിച്ചു. തുടര്ന്ന് മാര്ച്ച് 5ന് രേവതിക്ക് അനസ്തേഷ്യ നല്കി.
ബ്രഷ് രേവതിയുടെ കവിളിലെ എല്ലുകള്ക്കിടയില് കുടുങ്ങിയ നിലയില് ആയിരുന്നു. കവിളിന്റെ ഒരു ഭാഗം മുറിച്ചാണ് ബ്രഷിന്റെ ഒരു ഭാഗം പുറത്ത് എത്തിച്ചത്. ഇത്തരത്തില് ഡെന്റല് കാവിറ്റിയില് നിന്നും വിജയകരമായി സര്ക്കാര് ആശുപത്രിയിലെ സര്ജന്മാരായ ഡോ. വെങ്കിടേഷും, ഡോ.നരേനും ചേര്ന്ന് ബ്രഷ് പുറത്ത് എത്തിച്ചു. ആശുപത്രിയില് ഡോക്ടര്മാരുടെ നിരീക്ഷണത്തിലാണ് ഇപ്പോള് രേവതി.