കാസര്കോട്: ചെറുവത്തൂരില് ഷവര്മ കഴിച്ച് ഭക്ഷ്യവിഷബാധയുണ്ടായവരില് ചികിത്സയില് കഴിയുന്ന ഒരു കുട്ടിയുടെ നില അതീവ ഗുരുതരം. ഈ കുട്ടിയെ അടക്കം രണ്ടുപേരെ പരിയാരം മെഡിക്കല് കോളജ് ഐസിയുവില് പ്രവേശിപ്പിച്ചു. ചികിത്സയ്ക്കായി പ്രത്യേക മെഡിക്കല് ബോര്ഡ് രൂപീകരിച്ചു.
ഷവര്മ കഴിച്ച് ഒരു കുട്ടി മരിച്ചിരുന്നു. കരിവെള്ളൂര് പെരളം പൊതുവിതരണ കേന്ദ്രത്തിനു സമീപം പരേതനായ ചന്ത്രോത്ത് നാരായണന്റെയും ഇ.വി.പ്രസന്നയുടെയും ഏക മകള് ഇ.വി.ദേവനന്ദ (16) ആണു മരിച്ചത്. സംഭവത്തിന് പിന്നാലെ കാസര്കോട് ജില്ലാ പൊലീസ് മേധാവി വൈഭവ് സക്സേന ചെറുവത്തൂരിലെ കൂള്ബാര് സന്ദര്ശിച്ചു.
also read: വിജയ് ബാബു ഇരയുടെ പേര് വെളിപ്പെടുത്തിയത് നിയമവിരുദ്ധം; മാലാ പാർവതി പറയുന്നു
വിദേശത്തുള്ള കൂള് ബാര് ഉടമയ്ക്കെതിരെയുള്ള റിപ്പോര്ട്ട് കോടതിയില് സമര്പ്പിക്കും. ഉടമയെ പ്രതി ചേര്ക്കും. സംഭവത്തില് രണ്ടു പേരെ പൊലീസ് അറസ്റ്റ്് ചെയ്തു. മൂന്നാമതൊരാള് ഒളിവിലാണ്. ഐഡിയല് ഫുഡ്പോയിന്റ് എന്ന സ്ഥാപനത്തില് ഷവര്മ ഉണ്ടാക്കുന്ന നേപ്പാള് സ്വദേശി സന്ദേശ് റായ്, സ്ഥാപനം നടത്തിപ്പുകാരന് ഉള്ളാളിലെ അനസ് എന്നിവരാണ് അറസ്റ്റിലായത്. മനപൂര്വ്വമല്ലാത്ത നരഹത്യ ഉള്പ്പെടെ ചുമത്തിയാണ് ചന്തേര പൊലീസ് ഇവരെ അറസ്റ്റ് ചെയ്തത്.