ഇടുക്കി: ഡീന് കുര്യാക്കോസ് എംപിക്ക് കൊവിഡ് സ്ഥിരീകരിച്ചു. ഇന്നലെ നടത്തിയ പരിശോധനയിലാണ് രോഗം സ്ഥിരീകരിച്ചത്. എംപി ഫേസ്ബുക്ക് പോസ്റ്റിലൂടെയാണ് ഇക്കാര്യം അറിയിച്ചത്. നിലവില് തൊടുപുഴയിലെ സ്വകാര്യ ആശുപത്രിയില് നിരീക്ഷണത്തിലാണ് എംപി.
ആരോഗ്യപ്രശ്നങ്ങള് ഒന്നും തന്നെയില്ലെങ്കിലും കഴിഞ്ഞ ദിവസങ്ങളില് സമ്പര്ക്കത്തില് ഏര്പ്പെട്ടവര് സ്വയം നിരീക്ഷണത്തില് പോകുന്നത് ഉള്പ്പടെയുള്ള മുന്കരുതലുകള് സ്വീകരിക്കണമെന്നും എംപി അഭ്യര്ത്ഥിച്ചു.
അതേസമയം സംസ്ഥാനത്ത് ഇന്നലെ 4698 പേര്ക്കാണ് കൊവിഡ്-19 സ്ഥിരീകരിച്ചത്. കഴിഞ്ഞ ദിവസങ്ങളിലുണ്ടായ 29 മരണങ്ങളാണ് കൊവിഡ്-19 മൂലമാണെന്ന് ഇന്നലെ സ്ഥിരീകരിച്ചത്.ഇതോടെ ആകെ മരണം 2623 ആയി. ഇന്നലെ രോഗം സ്ഥിരീകരിച്ചവരില് 93 പേര് സംസ്ഥാനത്തിന് പുറത്ത് നിന്നും വന്നവരാണ്. 4034 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 528 പേരുടെ സമ്പര്ക്ക ഉറവിടം വ്യക്തമല്ല.
രോഗം സ്ഥിരീകരിച്ച് ചികിത്സയിലായിരുന്ന 5258 പേരുടെ പരിശോധനാഫലം ഇന്നലെ നെഗറ്റീവ് ആയി.ഇതോടെ 59,438 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 6,07,119 പേര് ഇതുവരെ കൊവിഡില് നിന്നും മുക്തി നേടി. സംസ്ഥാനത്തെ വിവിധ ജില്ലകളിലായി 3,16,547 പേരാണ് ഇപ്പോള് നിരീക്ഷണത്തിലുള്ളത്.