പാലക്കാട്; പാലക്കാട് യാക്കരപ്പുഴയില് കല്ലില്ക്കെട്ടി താഴ്ത്തിയ നിലയില് യുവാവിന്റെ മൃതദേഹം കണ്ടെത്തിയ സംഭവത്തില് ദുരൂഹത. ചിറ്റൂര് തത്തമംഗലം സ്വദേശി സൂവീഷിന്റെതെന്ന് സംശയിക്കുന്ന മൃതദേഹമാണ് കണ്ടെത്തിയത്. സംഭവവുമായി ബന്ധപ്പെട്ട് സുവീഷിന്റെ മൂന്ന് സുഹൃത്തുക്കളെ കസ്റ്റഡിയിലെടുത്തിട്ടുണ്ട്.
സുവീഷിനെ കാണാനില്ലെന്ന അമ്മയുടെ പരാതിയില് നടത്തിയ അന്വേഷണത്തിന് ഒടുവിലാണ് മൃതദേഹം കണ്ടെത്തുന്നത്. സുവീഷിനെ ജൂലായ് 19 മുതലാണ് കാണാതാകുന്നത്. ഇയാളുടെ സുഹൃത്തുക്കള് അപായപ്പെടുത്തിയതാണെന്ന സംശയത്തിലാണ് സുവിഷിന്റെ അമ്മ ചിറ്റൂര് പോലീസ് സ്റ്റേഷനില് പരാതി നല്കിയിരുന്നു.
സംശയം തോന്നിയവരെ ചോദ്യം ചെയ്യുന്നതിനിടയിലാണ് മൃതദേഹം യാക്കര പുഴയില് കെട്ടിതാഴ്ത്തിയെന്ന വിവരം ലഭിക്കുന്നത്. വ്യാഴാഴ്ച്ച രാത്രിയാണ് മൃതദേഹം കണ്ടെത്തിയത്. പഴക്കമുള്ളതിനാല് ശരീരം പൂര്ണ്ണമായും അഴുകിയ നിലയിലാണ്.
അച്ഛന്റെ മരണശേഷം സുവീഷിന്റെ അമ്മ വേറെ വിവാഹം കഴിച്ചതിനാല് ഇയാള് വീട്ടില് ഒറ്റയ്ക്കായിരുന്നു താമസം. ഇടക്കാലത്ത് വിവാഹം കഴിച്ചെങ്കിലും രണ്ട് മാസം മുമ്പ് തീപ്പൊള്ളലേറ്റ് ഭാര്യ മരിച്ചിരുന്നു. ഇടയ്ക്ക് ഫോണ് ഓഫ് ചെയ്ത് സുവീഷ് പോകാറുണ്ടെന്നാണ് അമ്മ വിജയം പറയുന്നത്.