തിരുവനന്തപുരം: അതിശക്തമായ മഴയുടെ സാഹചര്യത്തില് സംസ്ഥാനത്തെ പത്ത് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. വയനാട്, കോഴിക്കോട്, മലപ്പുറം, തൃശൂര്, എറണാകുളം, ഇടുക്കി, കോട്ടയം, ആലപ്പുഴ, പത്തനതംതിട്ട, പാലക്കാട് ജില്ലകളിലാണ് അവധി പ്രഖ്യാപിച്ചിരിക്കുന്നത്.
ഈ ജില്ലകളിലെ പ്രഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കാണ് അവധി പ്രഖ്യാപിച്ചിരിക്കുന്നത്. കൂടാതെ എംജി സര്വ്വകലാശാല ബുധനാഴ്ച നടത്താന് നിശ്ചയിച്ചിരുന്ന എല്ലാ പരീക്ഷകളും മാറ്റിവച്ചതായി പരീക്ഷാ കണ്ട്രോളര് അറിയിച്ചു.
also read: വടക്കന് ജില്ലകളില് ശക്തമായ മഴയ്ക്ക് സാധ്യത, ജാഗ്രത പാലിക്കണമെന്ന് മുന്നറിയിപ്പ്
പുതിയ തീയതി പിന്നീട് അറിയിക്കും. സംസ്കൃത സര്വ്വകലാശാലയും പരീക്ഷ മാറ്റിയിട്ടുണ്ട്. സംസ്ഥാനത്ത് മഴ തുടരുന്ന സാഹചര്യത്തില് നാളെ നടക്കേണ്ട സംസ്ഥാന ചലച്ചിത്ര പുരസ്കാര വിതരണം മാറ്റിവച്ചു. വയനാട് ജില്ലയിലെ വിനോദ സഞ്ചാര കേന്ദ്രങ്ങളിലേക്കു പ്രവേശനം വിലക്കി കലക്ടര് ഉത്തരവിറക്കി.
അതിശക്തമായ മഴയുടെ സാഹചര്യത്തില് പത്തു ജില്ലകളിലാണ് റെഡ് അലര്ട്ട് പ്രഖ്യാപിച്ചിട്ടുള്ളത്. തിരുവനന്തപുരം, കൊല്ലം, പത്തനംതിട്ട, കാസര്ക്കോട് ജില്ലകളില് ഓറഞ്ച് അലര്ട്ടും ശേഷിച്ച ജില്ലകളില് റെഡ് അലര്ട്ടും പ്രഖ്യാപിച്ചു.