തിരുവനന്തപുരം: കേരളത്തില് പെരുമഴ തുടരുകയാണ്. അടുത്ത നാലുദിവസം സംസ്ഥാനത്ത് അതിതീവ്രമഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഏഴ് ജില്ലകളില് റെഡ് അലര്ട്ട് പ്രഖ്യാപിച്ചു. തിരുവനന്തപുരം മുതല് ഇടുക്കി വരെയുള്ള ജില്ലകളിലാണ് റെഡ് അലര്ട്ട്.
രണ്ട് ജില്ലകളില് ഓറഞ്ച് അലേര്ട്ടും പ്രഖ്യാപിച്ചു. തൃശ്ശൂര് മലപ്പുറം ജില്ലകളിലാണ് തീവ്രമഴ കണക്കിലെടുത്ത് ഓറഞ്ച് അലര്ട്ട് പ്രഖ്യാപിച്ചത്. പാലക്കാട്, കോഴിക്കോട്, വയനാട്, കണ്ണൂര് കാസര്കോട് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
also read: കേരളത്തില് പെരുമഴ, പലയിടത്തും മണ്ണിടിച്ചിലും വെള്ളക്കെട്ടും, ഒഴുക്കില്പ്പെട്ട് ഒരാളെ കാണാതായി
ചൊവ്വാഴ്ച തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് റെഡ് അലര്ട്ട്. തൃശൂര്, പാലക്കാട്, മലപ്പുറം, കോഴിക്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. വയനാട്, കണ്ണൂര്, കാസര്കോട് ജില്ലകളില് യെല്ലോ അലര്ട്ടാണ്.
ബുധനാഴ്ച 12 ജില്ലകളിലാണ് റെഡ് അലര്ട്ട്. കണ്ണൂര് ജില്ലയില് ഓറഞ്ച് അലര്ട്ടും കാസര്കോട് ജില്ലയില് റെഡ് അലര്ട്ടുമാണ്. വ്യാഴാഴ്ച എറണാകുളം മുതല് കാസര്കോട് വരെയാണ് റെഡ് അലര്ട്ട് പ്രഖ്യാപച്ചത്. പത്തനംതിട്ട, കോട്ടയം, ആലപ്പുഴ ജില്ലകളില് ഓറഞ്ച് അലര്ട്ടാണ്. തിരുവനന്തപുരത്തും കൊല്ലത്തും യെല്ലോ അലര്ട്ട് പ്രഖ്യാപിച്ചു.