തൃശൂര്: കേരളത്തെ നടുക്കിയ നടിയെ ആക്രമിച്ച കേസിലെ മുഖ്യ പ്രതി പള്സര് സുനിയെ മാനസികാരോഗ്യകേന്ദ്രത്തില് പ്രവേശിപ്പിച്ചു. പള്സര് സുനിയെ ഇന്നലെ വൈകീട്ടാണ് തൃശൂരിലെ മാനസികാരോഗ്യകേന്ദ്രത്തില് പ്രവേശിപ്പിച്ചത്. പടിഞ്ഞാറെ കോട്ടയിലെ മാനസികാരോഗ്യകേന്ദ്രത്തിലാണ് ചികിത്സയില് കഴിയുന്നത്.
ജാമ്യാപേക്ഷ സുപ്രീംകോടതിയും തള്ളിയതോടെ പള്സര് സുനിയുടെ മാനസികാരോഗ്യം മോശമായതായി ജയില് അധികൃതര് അറിയിച്ചതായി പൊലീസ് പറയുന്നു. അതേസമയം, എത്ര ദിവസം ഇവിടെ കഴിയേണ്ടി വരുമെന്ന് വ്യക്തമല്ല. കഴിഞ്ഞദിവസമാണ് പള്സര് സുനിയുടെ ജാമ്യാപേക്ഷ സുപ്രീം കോടതി തള്ളിയത്.
also read: തലവേദനയും തലകറക്കവും, കടല്ത്തീരത്തെത്തിയ 49 വിദ്യാര്ഥികളെ ആശുപത്രിയില് പ്രവേശിപ്പിച്ചു
വര്ഷങ്ങളായി ജയിലില് കിടക്കുന്നത് കൊണ്ട് സുപ്രീംകോടതിയില് നിന്ന് ജാമ്യം ലഭിക്കുമെന്ന് പള്സര് സുനി പ്രതീക്ഷിച്ചിരുന്നതായി ജയില് അധികൃതര് പറയുന്നു. എന്നാല് ജാമ്യാപേക്ഷ തള്ളിയതോടെ പള്സര് സുനിയുടെ മാനസികാരോഗ്യം മോശമായതായി അധികൃതര് വ്യക്തമാക്കുന്നു.