കൊല്ലം: ഗര്ഭിണിയായ മകളെ ചവിട്ടി കൊലപ്പെടുത്താന് ശ്രമിച്ച അച്ഛന് അറസ്റ്റില്. കൊല്ലം ജില്ലയിലെ കടയ്ക്കലിലാണ് സംഭവം. നാലുമാസം ഗര്ഭിണിയായ മകളെ കൊല്ലാന് ശ്രമിച്ചതിന് കിളിമാനൂര് കൊപ്പം സ്വദേശി സതീശനെയാണ് കടയ്ക്കല് പൊലീസ് അറസ്റ്റ് ചെയ്തത്.
രണ്ടു കൊലപാതക കേസുകളില് ശിക്ഷ കഴിഞ്ഞു പുറത്തിറങ്ങിയ പ്രതിയാണ് ഇയാളെന്നു പൊലീസ് പറഞ്ഞു. കശുവണ്ടി ഫാക്ടറിയിലേക്ക് സ്കൂട്ടറില് ജോലിക്ക് പോയ മകളെ ഇയാള് വാഹനം തടഞ്ഞു നിര്ത്തി കൊല്ലാന് ശ്രമിക്കുകയായിരുന്നു.
സംഭവം കണ്ടെത്തിയ നാട്ടുകാര് പ്രതിയെ തടഞ്ഞു വച്ചാണു പൊലീസിന് കൈമാറിയത്. ഉപദ്രവം സഹിക്കാനാകാതെ പ്രതിയുടെ ഭാര്യ നേരത്തേ വീട് വിട്ടിറങ്ങിയിയതാണെന്നും പൊലീസ് വ്യക്തമാക്കി.