കല്പ്പറ്റ: സ്കൂള് വിദ്യാര്ഥികള്ക്ക് ദേഹാസ്വാസ്ഥ്യം. വയനാട്ടിലാണ് സംഭവം. ശാരീരിക പ്രശ്നങ്ങളെ തുടര്ന്ന് 16 കുട്ടികളെ ആശുപത്രിയില് പ്രവേശിപ്പിച്ചു. നല്ലൂര്നാട് അംബേദ്കര് മെമ്മോറിയല് മോഡല് റസിഡന്ഷ്യല് സ്കൂളിലെ വിദ്യാര്ത്ഥികളെയാണ് ആശുപത്രിയില് പ്രവേശിപ്പിച്ചത്.
വിദ്യാര്ത്ഥികളെ വയനാട് മാനന്തവാടി മെഡിക്കല് കോളജിലാണ് പ്രവേശിപ്പിച്ചത്. കുട്ടികളുടെ ആരോഗ്യനില നിലവില് തൃപ്തികരമാണെന്ന് ഡോക്ടര്മാര് അറിയിച്ചു. സ്കൂളില് താമസിച്ച് പഠിക്കുന്ന കുട്ടികള്ക്കാണ് ദേഹാസ്വാസ്ഥ്യം അനുഭവപ്പെട്ടത്.
കുട്ടികള്ക്ക് ദേഹാസ്വാസ്ഥ്യം അനുഭവപ്പെട്ടതിന് കാരണം ഭക്ഷ്യവിഷബാധയാണോ എന്ന് പരിശോധിക്കുമെന്ന് അധികൃതര് അറിയിച്ചു.