മലപ്പുറം: മലപ്പുറത്ത് ഭക്ഷ്യവിഷബാധയെ തുടര്ന്ന് ഹോട്ടല് അടപ്പിച്ചു. വേങ്ങരയിലാണ് സംഭവം. ഹോട്ടലില് നിന്ന് ഭക്ഷണം കഴിച്ച എട്ടു പേര്ക്കാണ് ഭക്ഷ്യ വിഷബാധയേറ്റത്. വേങ്ങരയിലെ സ്വകാര്യ ആശുപത്രിയില് പ്രവേശിപ്പിച്ച ഇവര് ആശുപത്രി വിട്ടു.
വേങ്ങര ഹൈസ്കൂള് പരിസരത്തെ മന്തി ഹൗസാണ് അടപ്പിച്ചത്. മന്തിയിലെ കോഴി ഇറച്ചിയില് നിന്നാണ് വിഷബാധയുണ്ടായതെന്ന് പരിശോധനയില് വ്യക്തമായതായി അരോഗ്യ വകുപ്പ് അറിയിച്ചു. തുടര്ന്നാണ് ഹോട്ടല് അടപ്പിച്ചത്. കാസര്കോട് ഷവര്മകഴിച്ച് ഒരു കുട്ടി മരിച്ചതിന് പിന്നാലെയാണ് സംഭവം.
ചെറുവത്തൂരില് ഷവര്മ കഴിച്ച് ഭക്ഷ്യവിഷബാധയേറ്റവരില് മൂന്ന് പേരെ പരിയാരം മെഡിക്കല് കോളജ് ഐസിയുവില് പ്രവേശിപ്പിച്ചു. ഇതില് ഒരു കുട്ടിയുടെ നില ഗുരുതരമാണെന്നാണ് റിപ്പോര്ട്ടുകള്. ചികിത്സയ്ക്കായി പ്രത്യേക മെഡിക്കല് ബോര്ഡ് രൂപീകരിച്ചു. കാസര്കോട് ജില്ലാ പൊലീസ് മേധാവി വൈഭവ് സക്സേന ചെറുവത്തൂരിലെ കൂള്ബാര് സന്ദര്ശിച്ചു.