തൃശൂര്: വയോധികന്റെ മൂത്രാശയത്തില് നിന്നും പുറത്തെടുത്തത് ആയിരത്തിലേറെ കല്ലുകള്. തൃശ്ശൂര് ജില്ലയിലെ ഇരിങ്ങാലക്കുടിയിലെ സഹകരണ ആശുപത്രിയിലാണ് ശസ്ത്രക്രിയ നടന്നത്. വള്ളിവട്ടം സ്വദേശി 79 വയസ്സുക്കാരന്റെ മൂത്രാശയത്തില് നിന്നാണ് ശസ്ത്രക്രിയയിലൂടെ ആയിരത്തിലേറെ കല്ലുകള് പുറത്തെടുത്തത്.
മൂത്രസംബദ്ധമായ അസുഖത്തെ തുടര്ന്നാണ് കഴിഞ്ഞ ദിവസം 79കാരനെ ആശുപത്രിയില് പ്രവേശിപ്പിച്ചത്. പിന്നീട് നടത്തിയ പരിശോധനയിലാണ് മൂത്രത്തില്കല്ലുസംബന്ധമായ അസുഖമാണെന്ന് കണ്ടെത്തിയത്. തുടര്ന്ന് ശസ്ത്രക്രിയയ്ക്ക് വിധേയനാക്കുകയായിരുന്നു.
പ്രശസ്ത യൂറോളജിസ്റ്റ് ഡോ.ജിത്തുനാഥ് നടത്തിയ വേദന രഹിതമായ എന്ഡോസ്കോപിക് ശസ്ത്രക്രിയയിലൂടെയാണ് ഇത്രയും അധികം കല്ലുകള് പുറത്തെടുത്തത്. അതിനൂതന രീതിയിലുള്ള ശസ്ത്രക്രിയ നടത്തിയ രോഗി സുഖം പ്രപിച്ച് വരുന്നു.
മൂത്രാശയത്തിലുള്ള ഗ്രന്ഥിയുടെ പ്രവര്ത്തനം തടസ്സപ്പെട്ടതിനിലാണ് ആണ് ഇത്രയും അധികം കല്ലുകള് രൂപപെടാന് കാരണമെന്നും സാധാരണ ഒന്നോ രണ്ടോ കല്ലുകള് മാത്രമാണ് ഇത്തരം രോഗാവസ്ഥയില് കാണാറുള്ളതെന്നും ഇത്രയും അധികം കല്ലൂകള് പുറത്തെടുക്കുന്നത് ആദ്യമായിട്ടാണെന്നും ഡോക്ടര് ജിത്തു പറഞ്ഞു. അനസ്ത്യേഷ്യസ്റ്റ് ഡോ.അജ്ജു കെ ബാബുവും ടീമില് ഉണ്ടായിരുന്നു. സര്ക്കാര് പദ്ധതിയായ കാരുണ്യ ആരോഗ്യ സുരക്ഷ പദ്ധതിയിലൂടെ പൂര്ണ്ണമായും സൗജന്യമായാണ് ശസ്ത്രക്രിയ നടത്തിയത്.