തിരുവനന്തപുരം: സംസ്ഥാനത്ത് ഒമിക്രോണ് വ്യാപനം തടയാന് കൂടുതല് നിയന്ത്രണങ്ങള്. സംസ്ഥാനത്ത് ദേവാലയങ്ങളിലും രാത്രികാല നിയന്ത്രണം ഏര്പ്പെടുത്തി. വ്യാഴാഴ്ച മുതല് നൈറ്റ് കര്ഫ്യു നടപ്പിലാക്കുന്ന സാഹചര്യത്തിലാണ് ദേവാലയങ്ങളിലും നിയന്ത്രണം ഏര്പ്പെടുത്തുന്നത്.
ദേവാലയങ്ങളില് പുതുവര്ഷവുമായി ബന്ധപ്പെട്ട് നടക്കുന്ന ചടങ്ങുകള്ക്കാണ് നിയന്ത്രണം. രാത്രി പത്തിന് ശേഷം ചടങ്ങുകള്ക്ക് അനുമതിയില്ല. അതേസമയം, രാത്രികാല നിയന്ത്രണം പ്രഖ്യാപിച്ചിരിക്കുന്ന വ്യാഴാഴ്ച മുതല് ഞായറാഴ്ച വരെയുള്ള ദിവസങ്ങളില് തിയറ്ററുകളില് സെക്കന്ഡ് ഷോ ഉണ്ടാവില്ല.
also read: വഖഫ് വിഷയത്തില് ആശങ്കയകറ്റണം; മുഖ്യമന്ത്രിക്ക് നിവേദനം സമര്പ്പിച്ചു ജനകീയ കൂട്ടായ്മ
രാത്രി 10 മുതല് പുലര്ച്ചെ അഞ്ചു വരെയാണ് കര്ഫ്യു. കടകള് 10 മണിയ്ക്ക് അടയ്ക്കണം. ആള്ക്കൂട്ടവും അനാവശ്യ യാത്രയും അനുവദിക്കില്ല. പൊലീസിന്റെ പരിശോധന കര്ശനമാക്കാനും നിര്ദേശം നല്കിയിട്ടുണ്ട്. ആള്ക്കൂട്ടം ചേര്ന്നുള്ള പുതുവല്സരാഘോഷങ്ങള് തടയുക ലക്ഷ്യമിട്ടാണ് തീരുമാനം.
അതേസമയം, നിയന്ത്രണം നീട്ടണമോ എന്നതില് പിന്നീട് തീരുമാനമെടുക്കും. മാസ്ക് അടക്കമുള്ള കോവിഡ് മാനദണ്ഡങ്ങള് ലംഘിക്കുന്നവര്ക്കെതിരെ കര്ശന നടപടിയെടുക്കാനും തീരുമാനിച്ചിട്ടുണ്ട്.