ബത്തേരി: പതിനാറ് വയസുകാരിയെ ബസ്സില് വെച്ച് പീഡിപ്പിച്ച കേസില് സ്വകാര്യ ബസ് കണ്ടക്ടര് അറസ്റ്റില്. വയനാട്ടില് മേപ്പാടി പോലീസ് സ്റ്റേഷന് പരിധിയിലാണ് സംഭവം. പെണ്കുട്ടിയുടെ പരാതിയില് മേപ്പാടി സ്വദേശി ബൈജുവിനെയാണ് പോക്സോ നിയമ പ്രകാരം പോലീസ് അറസ്റ്റ് ചെയ്തത്.
സ്വകാര്യ ബസ് കണ്ടക്ടറായ ബൈജു കഴിഞ്ഞ ദിവസം രാത്രിയില് പെണ്കുട്ടിയെ ബസ്സില് വെച്ച് പീഡിപ്പിച്ചതായാണ് പരാതി. കുട്ടിയെ വീട്ടില് കാണാത്തതിനെ തുടര്ന്ന് വീട്ടുകാര് പോലീസില് പരാതിപ്പെടുകയായിരുന്നു. തുടര്ന്ന് നടത്തിയ തിരച്ചിലിലാണ് കുട്ടിയെ കണ്ടെത്തിയത്.
പിന്നീട് ആശുപത്രിയില് പ്രവേശിപ്പിച്ച പെണ്കുട്ടിയുടെ മൊഴിയുടെ അടിസ്ഥാനത്തില് പോലീസ് കേസെടുക്കുകയായിരുന്നു. ബൈജു ജോലി ചെയ്തിരുന്ന സ്വകാര്യ ബസ്സും പൊലീസ് കസ്റ്റഡിയിലെടുത്തു.