മുംബൈ: ട്രെയിനിന്റെ മൂന്ന് കോച്ചുകള് പാളം തെറ്റി. മഹാരാഷ്ട്രയിലെ ഗോണ്ടിയയിലാണ് സംഭവം. ഗുഡ്സ് ട്രെയിന് പാസഞ്ചര് ട്രെയിനുമായി കൂട്ടിയിടിക്കുകയായിരുന്നുവെന്നാണ് റിപ്പോര്ട്ടുകള്.
അപകടത്തില് അന്പത്തി മൂന്ന് യാത്രക്കാര്ക്ക് പരിക്കേറ്റു. ഇതുവരെ മരണങ്ങളൊന്നും റിപ്പോര്ട്ട് ചെയ്തിട്ടില്ല. പുലര്ച്ചെ രണ്ടരയോടെയായിരുന്നു സംഭവം.
also read: ചേർത്തല താലൂക്ക് ആശുപത്രിയിലെ ഡോക്ടർ വീടിനുള്ളിൽ മരിച്ച നിലയിൽ; മരണത്തിൽ ദുരൂഹത ഇല്ലെന്ന് പോലീസ്
ഛത്തീസ്ഗഡിലെ ബിലാസ്പൂരില് നിന്ന് രാജസ്ഥാനിലെ ജോധ്പൂരലേക്ക് പോകുകയായിരുന്ന ട്രെയിനാണ് അപകടത്തില്പ്പെട്ടത്. ഗുഡ്സ് ട്രെയിനുമായി കൂട്ടിയിടിച്ചതിന് പിന്നാലെ മൂന്ന് കോച്ചുകള് പാളം തെറ്റുകയായിരുന്നു.
അപകടത്തില് പരിക്കേറ്റവരെ ആശുപത്രിയില് പ്രവേശിപ്പിച്ചു. സിഗ്നലിലെ പിഴവാണ് അപകടത്തിന് കാരണമെന്നാണ് പ്രാഥമിക നിഗമനം.