മംഗളൂരു: മലയാളി വിദ്യാര്ഥിനിയെ മംഗളൂരുവിലെ സ്വകാര്യ കോളേജിലെ ഹോസ്റ്റലില് തൂങ്ങിമരിച്ച നിലയില് കണ്ടെത്തി. കണ്ണൂര് അഴീക്കോട് സൗത്ത് നന്ദനത്തില് പദ്മനാഭന്റെ മകള് സാന്ദ്രയെയാണ് ഹോസ്റ്റല് മുറിയില് തൂങ്ങിമരിച്ച നിലയില് കണ്ടെത്തിയത്. അസ്വാഭാവിക മരണത്തിന് പാണ്ടേശ്വരം പോലീസ് കേസെടുത്തു.
മൂപ്പത്തിയൊന്ന് വയസ്സായിരുന്നു. മൂന്നാംവര്ഷ ഫിസിയോതെറാപ്പി വിദ്യാര്ഥിയാണ്. ബുധനാഴ്ച ക്ലാസില്നിന്ന് സുഖമില്ലെന്ന് പറഞ്ഞ് ഹോസ്റ്റലിലേക്ക് പോയതാണ് സാന്ദ്ര. ഉച്ചയോടെ് ഹോസ്റ്റല് മുറിയില് തൂങ്ങിമരിച്ച നിലയില് കണ്ടെത്തുകയായിരുന്നു.
മരണകാരണം വ്യക്തമല്ല. മരണത്തിനുമുന്പ് സാന്ദ്ര സാമൂഹികമാധ്യമ അക്കൗണ്ടുകളൊക്കെ ഒഴിവാക്കിയിരുന്നു. സഹപാഠികള് ഹോസ്റ്റലില് ചെന്നപ്പോള് മുറി അടച്ചിട്ട നിലയിലായിരുന്നു. വാതില് തകര്ത്ത് അകത്ത് കടന്നപ്പോഴാണ് തൂങ്ങിയ നിലയില് കണ്ടത്. ഉടനെ ആശുപത്രിയിലെത്തിച്ചെങ്കിലും മരിച്ചു.