പിതാവ് പാമ്പിനെ തല്ലിക്കൊന്ന് മണിക്കൂറുകള്ക്കുള്ളില് മറ്റൊരു പാമ്പ് കടിച്ച് മകന് ദാരുണാന്ത്യം. മധ്യപ്രദേശിലെ സെഹോറിലാണ് നടുക്കുന്ന സംഭവം. ബുധ്നി ജോഷിപൂരില് താമസിക്കുന്ന കിഷോര് ലാലിന്റെ മകന് രോഹിത്താണ് പാമ്പ് കടിയേറ്റ് മരണപ്പെട്ടത്.
12 വയസ്സായിരുന്നു. കൂലിപ്പണിക്കാരനായ കിഷോര് തന്റെ വീടിനു പരിസരത്ത് കണ്ട പാമ്പിനെ തല്ലിക്കൊന്ന് മറവ് ചെയ്യ്തിരുന്നു. രാത്രി രണ്ട് മണിയോടെ വീട്ടില് ഉറങ്ങുകയായിരുന്ന കിഷോരി ലാലിന്റെ മകന് രോഹിതിനെ മറ്റൊരു പാമ്പ് കടിക്കുകയായിരുന്നു.
കുട്ടിയെ ഉടന് തന്നെ ഹോഷംഗബാദിലെ ജില്ലാ ആശുപത്രിയില് എത്തിച്ചു. എന്നാല് അവിടെ ആവശ്യത്തിന് സൗകര്യം ഇല്ലാത്തതിനാല് ഭോപ്പാലിലെ ആശുപത്രിയിലെക്ക് കൊണ്ടു പോകുന്നതിനിടെ രോഹിത് മരിക്കുകയായിരുന്നു. രോഹിത്തിനെ കടിച്ച പാമ്പിനെ വീട്ടുകാര് തല്ലിക്കൊന്നിട്ടുണ്ട്. സംഭവം നാടിനെ ഒന്നടങ്കം ഞെട്ടിച്ചിരിക്കുകയാണ്.