മംഗളൂരു: ടൂത്ത് പേസ്റ്റിന് പകരം അബദ്ധത്തില് എലിവിഷം കലര്ന്ന പേസ്റ്റ് എടുത്ത് പല്ല് വൃത്തിയാക്കിയ 17 കാരിക്ക് ദാരുണാന്ത്യം. മംഗലാപുരത്തിന് അടുത്ത് സുള്ള്യയിലെ മര്കഞ്ച ഗ്രാമത്തില് നിന്നുള്ള ശ്രവ്യ എന്ന പെണ്കുട്ടിയാണ് മരിച്ചത്. മംഗളൂരുവിലെ സ്വകാര്യ ആശുപത്രിയില് വെച്ചായിരുന്നു അന്ത്യം.
ഫെബ്രുവരി 14 നാണ് സംഭവം. ശ്രവ്യ ടൂത്ത് പേസ്റ്റിന് പകരം ബ്രഷില് അബദ്ധത്തില് എലിവിഷം പുരട്ടി പല്ലുതേക്കുകയായിരുന്നു. തനിക്ക് അബദ്ധം പറ്റിയെന്ന് മനസ്സിലായതോടെ വെള്ളം ഉപയോഗിച്ച് വായ കഴുകി. പിറ്റേന്ന് സുഖമായെന്ന് തോന്നിയെങ്കിലും ഫെബ്രുവരി 17ന് വയറുവേദന അനുഭവപ്പെട്ടതിനെ തുടര്ന്ന് ആശുപത്രിയിലേക്ക് പോവുകയായിരുന്നു.
പുത്തൂരിലെ ചികിത്സയ്ക്ക് ശേഷം മംഗളൂരുവിലെ സ്വകാര്യ ആശുപത്രിയില് വെച്ചായിരുന്നു അന്ത്യം. പെണ്കുട്ടിയുടെ വീട്ടിലെ കുളിമുറിയുടെ ജനാലയ്ക്കടുത്തായിരുന്നു ടൂത്ത് പേസ്റ്റ് സൂക്ഷിച്ചിരുന്നത്. അതിനടുത്തായി എലിവിഷവും വച്ചിരുന്നു. മുറി ഇരുട്ടായതിനാല് ശ്രവ്യ ടൂത്ത് പേസ്റ്റിന് പകരം എലിവിഷം എടുത്തത്.
ഹിജാബ് വിവാദത്തെ തുടര്ന്ന് കോളേജ് അവധിയായതിനാല് പുത്തൂര് കോളേജിലെ പ്രീ യൂണിവേഴ്സിറ്റി വിദ്യാര്ത്ഥിനിയായിരുന്നു ശ്രവ്യ സ്വന്തം വീട്ടിലായിരുന്നു.