പത്തനംതിട്ട: പത്തനംതിട്ട ജില്ലയിലെ പമ്പാ, അച്ചന് കോവില് നദികളിലെ ജലനിരപ്പ് അപകടനിലയ്ക്ക് മുകളില് ഉയര്ന്നിട്ടുള്ള സാഹചര്യത്തില് ജില്ലാ ഭരണകൂടം പ്രളയ മുന്നറിയിപ്പ് നല്കി. വെള്ളം കയറാന് സാധ്യതയുള്ള മേഖലകളില് വസിക്കുന്നവര് സുരക്ഷിതമായ ഇടകളിലേക്ക് മാറി താമസിക്കണമെന്ന് ജില്ലകളക്ടര് അറിയിച്ചു.
വില്ലേജ് ഓഫീസര്, ഗ്രാമപഞ്ചായത്ത് അധികൃതര് എന്നിവരുടെ നിര്ദേശപ്രകാരം അടുത്തുള്ള ദുരിതാശ്വാസ ക്യാമ്പുകളിലേക്ക് മാറി താമസിക്കണം. മലയോര മേഖലകളില് രാത്രികാല യാത്രകള് ഒഴിവാക്കണമെന്നും കളക്ടര് മുന്നറിയിപ്പില് പറയുന്നു.
അതേസമയം ജില്ലയില് പെയ്യുന്ന കനത്തമഴയെ തുടര്ന്ന് പുഴകളെല്ലാം കരവിഞ്ഞൊഴുകുകയാണ്. കുരുമ്പന്മൂഴി, അറയാഞ്ഞിലിമണ് കോസ് വേകളിലും പമ്പയിലും റാന്നി വലിയ തോട്ടിലും ജലനിരപ്പ് ഉയര്ന്നിരിക്കുകയാണ്.
യാസ് ചുഴലിക്കാറ്റിന്റെ സ്വാധീനഫലമായി പത്തനംതിട്ട ഉള്പ്പെടെ 11 ജില്ലകളില് ഞായറാഴ്ച വരെ യെല്ലോ അലര്ട്ട് പ്രഖ്യാപിച്ചു. ഈ ജില്ലകളില് വരും ദിവസങ്ങളിലും കനത്തമഴ തുടരുമെന്നാണ് പ്രവചനം.