ഹരിപ്പാട്: ഭക്ഷണം നല്കുന്നതിനിടെ ആന ആക്രമിച്ചു. ആലപ്പുഴയില് രണ്ടാം പാപ്പാന് ദാരുണാന്ത്യം. ഹരിപ്പാട് സുബ്രഹ്മണ്യ സ്വാമി ക്ഷേത്രത്തിലെ സ്കന്ദന് എന്ന ആനയുടെ രണ്ടാം പാപ്പാന് പാലാ കിടങ്ങൂര് ചൂണ്ടമലയില് തങ്കപ്പന്റെ മകന് ജയ്മോന് (43) ആണ് മരിച്ചത്.
ഇന്നലെ ഉച്ചക്ക് ഒരു മണിയോടെ ആണ് സംഭവം. ക്ഷേത്രത്തിനു സമീപത്ത് തളച്ചിരുന്ന ആനയ്ക്ക് ഭക്ഷണം നല്കാനായി എത്തിയപ്പോഴാണ് പാപ്പാനെ ആക്രമിച്ചത്. തീറ്റയുമായി ജയ്മോന് ആനക്ക് സമീപത്തെത്തിയപ്പോള് തുമ്പിക്കൈ കൊണ്ടു ചുറ്റി പിടിക്കുകയായിരുന്നു.
തുടര്ന്ന് ഗുരുതരമായി പരിക്കേറ്റ ജയ്മോനെ ഹരിപ്പാട് താലൂക്ക് ആശുപത്രിയിലും പിന്നീട് വണ്ടാനം മെഡിക്കല് കോളജിലും പ്രവേശിപ്പിച്ചെങ്കിലും വൈകുന്നേരത്തോടെ മരണപ്പെട്ടു.