തിരുവനന്തപുരം: കേരളത്തില് വരുന്ന മൂന്ന് ദിവസം ഒറ്റപ്പെട്ട മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇതേ തുടര്ന്ന് ഇന്ന് 9 ജില്ലകളില് യെല്ലോ അലര്ട്ട് പ്രഖ്യാപിച്ചു. മത്സ്യത്തൊഴിലാളികള്ക്കും മുന്നറിയിപ്പ് നല്കിയിട്ടുണ്ട്.
കാസര്ഗോഡ്, കോഴിക്കോട്, കണ്ണൂര്, വയനാട്, മലപ്പുറം, തൃശൂര്, ഇടുക്കി, എറണാകുളം, കോട്ടയം എന്നീ ജില്ലകളിലാണ് യെല്ലോ അലര്ട്ട്. അറബിക്കടലിലെ പടിഞ്ഞാറന് കാറ്റ് ശക്തി പ്രാപിച്ചതാണ് മഴയ്ക്ക് കാരണം. വടക്കന് കേരളത്തില് ശക്തമായ മഴയ്ക്ക് സാധ്യതയുണ്ട്.
അടുത്ത മൂന്ന് മണിക്കൂറില് കേരളത്തിലെ എല്ലാ ജില്ലകളിലും നേരിയ മഴയ്ക്ക് സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. കടലാക്രമണം ശക്തമാകാന് സാധ്യതയുള്ളതിനാല് കടലില് പോകുന്നവര് ശ്രദ്ധിക്കണം എന്നും മുന്നറിയിപ്പുണ്ട്.