തിരുവനന്തപുരം: കേരളത്തില് വീണ്ടും മാസ്ക് നിര്ബന്ധമാക്കി. സംസ്ഥാനത്ത് കോവിഡ് രോഗികളുടെ എണ്ണം നേരിയ തോതില് കൂടുന്ന സാഹചര്യത്തിലാണ് മാസ്ക് നിര്ബന്ധമാക്കി സര്ക്കാര് ഉത്തരവിറക്കിയത്. ഇന്നലെ സംസ്ഥാനത്ത് 1,113 പേര്ക്കാണ് കോവിഡ് സ്ഥിരീകരിച്ചത്.
കോവിഡ് കേസുകള് കൂടുന്ന സാഹചര്യത്തില് ആറു മാസത്തേക്കു മാസ്ക്, സാനിറ്റൈസര് എന്നിവ നിര്ബന്ധമാക്കിയാണ് ആരോഗ്യ വകുപ്പ് വിജ്ഞാപനം പുറപ്പെടുവിച്ചിരിക്കുന്നത്. പൊതുസ്ഥലത്തും ജോലി സ്ഥലത്തും പൊതുജനങ്ങള്ക്കു പ്രവേശനമുള്ള എല്ലാ സ്ഥലത്തും സാമൂഹിക കൂടിച്ചേരലുകളിലും വാഹനങ്ങളിലും എല്ലാവരും മാസ്ക് ധരിക്കണം.
കൂടാതെ സ്ഥാപനങ്ങള്, കടകള്, തിയറ്ററുകള് എന്നിവയുടെ നടത്തിപ്പുകാര് സാനിറ്റൈസര് നല്കണം. ചടങ്ങുകളില് സംഘാടകര് നല്കണം. ആരോഗ്യവകുപ്പ് പ്രിന്സിപ്പല് സെക്രട്ടറി ടിങ്കു ബിസ്വാളാണ് പുതിയ ഉത്തരവിറക്കിയത്.