കോഴിക്കോട്: കോണ്ഗ്രസ് നേതാവും വടകര എംപിയുമായ കെ മുരളീധരന്റെ മകന് ശബരിനാഥ് വിവാഹിതനായി. സോണിയയാണ് ശബരീനാഥിന്റെ വധു. ഇന്നലെയായിരുന്നു ഇരുവരുടെയും വിവാഹം. ഫേസ്ബുക്കിലൂടെ മുരളീധരന് തന്നെയാണ് വിവാഹവാര്ത്ത പങ്കുവച്ചത്.
അടുത്ത ബന്ധുക്കള് മാത്രം പങ്കെടുത്ത ലളിതമായ ചടങ്ങായിരുന്നു നടന്നതെന്ന് മുരളീധരന് പറഞ്ഞു. ആരെയും ക്ഷണിക്കാന് കഴിഞ്ഞിരുന്നില്ലെന്നും എല്ലാ പ്രിയപ്പെട്ടവരുടെയും സ്നേഹവും പ്രാര്ത്ഥനയും തന്റെ മകനും മകള്ക്കും ഒപ്പം ഉണ്ടാകണമെന്നും മുരളീധരന് കൂട്ടിച്ചേര്ത്തു.
മുരളിധരന്റെ കുറിപ്പ്
എന്റെ മകന് ശബരിനാഥന്റെ വിവാഹമായിരുന്നു ഇന്ന്. സോണിയയാണ് വധു. അടുത്ത ബന്ധുക്കള് മാത്രം പങ്കെടുത്ത ലളിതമായ ചടങ്ങായിരുന്നു. അതിനാലാണ് ആരെയും ക്ഷണിക്കാന് കഴിയാതിരുന്നത്. എല്ലാ പ്രിയപ്പെട്ടവരുടെയും സ്നേഹവും പ്രാര്ത്ഥനയും എന്റെ മകനും മകള്ക്കും ഒപ്പം ഉണ്ടാകണം. ശബരിക്കും സോണിയയ്ക്കും വിവാഹ മംഗളാശംസകള് നേരുന്നു.