തിരുവനന്തപുരം; കേരളത്തില് ഇന്ന് മഴയ്ക്ക് സാധ്യതയെന്ന് കാലാവസ്ഥ വകുപ്പിന്റെ മുന്നറിയിപ്പ്. നാല് ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. കോട്ടയം , എറണാകുളം , ഇടുക്കി , മലപ്പുറം ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്.
നാളെ കോട്ടയം , എറണാകുളം , ഇടുക്കി , തൃശ്ശൂര് , മലപ്പുറം ജില്ലകളില് യെല്ലോ അലര്ട്ടാണ്. സംസ്ഥാനമാകെ പരക്കെ മഴ പെയ്യാന് സാധ്യത ഇല്ലെങ്കിലും മധ്യ കേരളത്തിലും വടക്കന് കേരളത്തിലും മഴ ശക്തമായി തുടര്ന്നേക്കും. കൊങ്കണ് തീരം മുതല് വടക്കന് കേരളാ തീരം വരെ ന്യുന മര്ദ്ദപാത്തി നിലനില്ക്കുന്നതിനാല് കേരളത്തില് അടുത്ത ദിവസങ്ങളില് ഇടി മിന്നലോടു കൂടിയ വ്യാപകമായ മഴക്ക് സാധ്യതയെന്നാണ് കാലാവസ്ഥ കേന്ദ്രം വ്യക്തമാക്കുന്നത്.
also read: വഖഫ് വിഷയത്തില് ആശങ്കയില്ല; സര്ക്കാര് തീരുമാനം സ്വാഗതം ചെയ്ത് പൊന്നാനി ജനകീയ കൂട്ടായിമ
കേരള – ലക്ഷദ്വീപ് – കര്ണാടക തീരങ്ങളില് മത്സ്യബന്ധനത്തിന് തടസമില്ല എന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് കന്യാകുമാരി തീരങ്ങളില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് മണിക്കൂറില് 60 കിലോമീറ്റര് വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ പ്രദേശത്ത് മത്സ്യബന്ധനത്തിന് പോകാന് പാടുള്ളതല്ല.