ആലപ്പുഴ: ആലപ്പുഴയില് മക്കളെ കൊലപ്പെടുത്തി ഭാര്യ ആത്മഹത്യ ചെയ്ത സംഭവം പൊലീസുകാരനായ ഭര്ത്താവ് തത്സമയം കണ്ടിരിക്കാമെന്ന് പൊലീസിന്റെ നിഗമനം. ഭാര്യ നജുലയുടെയും മക്കളുടെയും മരണം റെനീസ് മൊബൈലില് തത്സമയം കണ്ടതായാണ് പൊലീസ് നല്കുന്ന സൂചന.
ആലപ്പുഴ പൊലീസ് ക്വാര്ട്ടേഴ്സിലാണ് കൂട്ട ആത്മഹത്യ. ഭാര്യ ആത്മഹത്യ ചെയ്ത മുറിയില് റെനീസ് രഹസ്യമായി ക്യാമറ സ്ഥാപിച്ചിരുന്നു. ഇതിലെ ദൃശ്യങ്ങള് വീണ്ടെടുക്കാന് വിദഗ്ധരുടെ സഹായം തേടിയിരിക്കുകയാണ് പൊലീസ്. മെയ് ഒന്പതിനാണ് റെനീസിന്റെ ഭാര്യ നജ്ലയെ ആലപ്പുഴ ഏ ആര് ക്യാമ്പ് പൊലീസ് ക്വര്ട്ടേഴ്സില് ആത്മഹത്യ ചെയ്ത നിലയില് കണ്ടെത്തിയത്.
also read: ജാമ്യാപേക്ഷ തള്ളിയതോടെ മാനസികാരോഗ്യം മോശമായി, പള്സര് സുനി മാനസികാരോഗ്യകേന്ദ്രത്തില്
ഭര്ത്താവും പൊലീസുകാരനുമായ റെനീസിന്റെ നിരന്തരമായ പീഡനവും പരസ്ത്രീ ബന്ധവുമാണ് ആത്മഹത്യയിലേക്ക് നയിച്ചതെന്ന് പൊലീസ് കണ്ടെത്തിയിരുന്നു. അന്വേഷണ വേളയിലാണ് ഭാര്യ ആത്മഹത്യ ചെയ്ത സംഭവം റെനീസ് മൊബൈലിലൂടെ തത്സമയം കണ്ടിരിക്കാമെന്ന നിഗമനത്തില് പൊലീസ് എത്തിയത്.