തിരുവനന്തപുരം: കേരളത്തില് ഒരാള്ക്ക് കൂടി മങ്കിപോക്സ് സ്ഥിരീകരിച്ചതായി ആരോഗ്യമന്ത്രി വീണാ ജോര്ജ്. ദുബൈയില് നിന്നെത്തിയ കണ്ണൂര് സ്വദേശിക്കാണ് രോഗം സ്ഥിരീകരിച്ചത്. ഇതിനോടകം രണ്ട് കേസുകളാണ് കേരളത്തില് റിപ്പോര്ട്ട് ചെയ്തത്.
രണ്ടാമതായി രോഗം സ്ഥിരീകരിച്ച 31കാരന് പരിയാരം മെഡിക്കല് കോളജില് ചികിത്സയില് കഴിയുകയാണ്. ആരോഗ്യനില തൃപ്തികരമാണെന്ന് അധികൃതര് അറിയിച്ചു. കഴിഞ്ഞ മേയ് 13ന് ദുബായില് നിന്നാണ് ഇദ്ദേഹം എത്തിയത്. ഇദ്ദേഹവുമായി അടുത്ത സമ്പര്ക്കത്തിലുള്ളവരെ നിരീക്ഷണത്തിലാക്കിയതായും മന്ത്രി പറഞ്ഞു.
also read: പ്രായപൂർത്തിയാകാത്ത പെൺകുട്ടിയെ നിരന്തരം പീഡിപ്പിച്ചു; 37കാരന് 40 വർഷം കഠിന തടവും പിഴയും
നേരത്തെ കൊല്ലം സ്വദേശിക്കാണ് മങ്കിപോക്സ് സ്ഥിരീകരിച്ചത്. തിരുവനന്തപുരം മെഡിക്കല് കോളജിലാണ് ചികിത്സയില് കഴിയുന്നത്. ഷാര്ജയില് നിന്നെത്തിയ ഇയാള് രോഗലക്ഷണങ്ങളെ തുടര്ന്ന് ചികിത്സ തേടുകയായിരുന്നു. അതിനിടെ സംസ്ഥാനത്ത് മങ്കിപോക്സ് പ്രതിരോധ പ്രവര്ത്തനങ്ങള് ഊര്ജിതമാക്കിയതായി വീണാ ജോര്ജ് അറിയിച്ചു.
ചിക്കന്പോക്സിന്റെ സമാന ലക്ഷണങ്ങളുള്ളവരെ നിരീക്ഷിച്ച് അവര്ക്ക് മങ്കി പോക്സ് ഇല്ലെന്ന് ഉറപ്പ് വരുത്തും. മറ്റൊര്ക്കെങ്കിലും രോഗമുണ്ടോയെന്ന് കണ്ടെത്താന് സമാന ലക്ഷണമുള്ള സാമ്പിളുകള് റാന്ഡമായി പരിശോധിക്കുന്നതാണെന്നും മന്ത്രി അറിയിച്ചു.