കണ്ണൂര്: ബസ് നിയന്ത്രണം വിട്ട് താഴ്ചയിലേക്ക് മറിഞ്ഞു. ഏഴ് പേര്ക്ക് നിസാര പരുക്കുണ്ട്. കണ്ണൂര് ജില്ലയിലെ കണ്ണോത്തുംചാലില് ആണ് നടുക്കുന്ന സംഭവം.
കണ്ണൂരില് നിന്നും കോഴിക്കോടേക്ക് പോവുകയായിരുന്ന ബസാണ് അപകടത്തില്പ്പെട്ടത്. രാവിലെ എട്ടു മണിയോടെയായിരുന്നു അപകടം. നിയന്ത്രണം വിട്ട ബസ് ദേശീയപാതയോട് ചേര്ന്നുള്ള താഴ്ചയിലേക്ക് മറിയുകയായിരുന്നു.
മഴയുള്ള സമയത്ത് ബസ് മറ്റൊരു വാഹനത്തെ മറികടക്കുന്നതിനിടെയായിരുന്നു അപകടമെന്നാണ് റിപ്പോര്ട്ട്. നാട്ടുകാരാണ് രക്ഷപ്രവര്ത്തനം നടത്തിയത്. പരുക്കേറ്റ ഏഴു പേരെയും സമീപത്തെ ആശുപത്രിയിലെത്തിച്ചു. പരിശോധനയ്ക്ക് ശേഷം വിട്ടയച്ചു.