ആലപ്പുഴ; ഓട്ടോറിക്ഷ നിയന്ത്രണം വിട്ട് പാലത്തിന്റെ കല്ക്കെട്ടില് നിന്ന് താഴേയ്ക്ക് മറിഞ്ഞ് ഡ്രൈവര്ക്ക് ദാരുണാന്ത്യം. ഭാര്യയ്ക്ക് ഗുരുതര പരിക്ക്. വൈക്കം തലയോലപ്പറമ്പ് മിഠായികുന്ന് താമരശ്ശേരില് പരേതനായ കുഞ്ഞപ്പന്റെ മകന് ടികെ ഷാജി (53) യാണ് മരിച്ചത്.
ഓട്ടോറിക്ഷയില് കൂടെയുണ്ടായിരുന്ന ഷാജിയുടെ ഭാര്യ, തിരുനല്ലൂര് പുറത്തേവെളിയില് രജനിയ്ക്കാണ് ഗുരുതരമായി പരിക്കേറ്റത്. ഇവരെ ആശുപത്രിയില് പ്രവേശിപ്പിച്ചു. ഞായറാഴ്ച പകല് രണ്ടു മണിയോടെയാണ് അപകടം സംഭവിച്ചത്. ചേര്ത്തല വച്ചാണ് അപകടമുണ്ടായത്.
also read: കാലവര്ഷം; കേരളത്തില് വ്യാപക മഴയ്ക്ക് സാധ്യത, ഒമ്പത് ജില്ലകളില് യെല്ലോ അലേര്ട്ട്
തിരുനല്ലൂരിലെ രജനിയുടെ വീട്ടില് നിന്ന് ഇവര് തലയോലപ്പറമ്പിലേക്ക് പോകുകയായിരുന്നു. ചേര്ത്തല കാളികുളം – ചെങ്ങണ്ട റോഡിലെ പഴംകുളം പാലത്തില് നിന്ന് നിയന്ത്രണം വിട്ട് താഴേക്ക് പതിക്കുകയായിരുന്നു. കല്ക്കെട്ടിന്റെ രണ്ട് ചെറിയ തൂണുകള് തകര്ത്താണ് ഓട്ടോ താഴേയ്ക്ക് മറിഞ്ഞത്.
ഏതാണ്ട് 16 അടിയോളം താഴ്ചയിലുള്ള കുറ്റിക്കാട്ടിലേയ്ക്കാണ് ഓട്ടോ വീണത്. രജനിയുടെ കരച്ചില് കേട്ട് ഓടിയെത്തിയ പരിസരവാസികള് ഷാജിയെ ഉടന്തന്നെ ചേര്ത്തല താലൂക്ക് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ചേര്ത്തലയിലെ ആശുപത്രിയില് പ്രവേശിപ്പിച്ച രജനിയെ പിന്നീട് മുട്ടുചിറയിലെ സ്വകാര്യ ആശുപത്രിയിലേക്ക് മാറ്റി.