കൊല്ലം: കേരളത്തെ നടുക്കിയ വിസ്മയ കേസില് വിധി തിങ്കളാഴ്ച. വിസ്മയയുടേത് സ്ത്രീധന പീഡനത്തെ തുടര്ന്നുള്ള ആത്മഹത്യയാണെന്നാണ് കുറ്റപത്രത്തില് പറയുന്നത്. ആത്മഹത്യ പ്രേരണയടക്കം 9 വകുപ്പുകള് ചുമത്തിയാണ് കുറ്റപത്രം നല്കിയിരിക്കുന്നത് . 500 പേജുള്ള കുറ്റപത്രമാണ് കോടതിയില് സമര്പ്പിച്ചത്.
തിങ്കളാഴ്ച കൊല്ലം അഡിഷണല് സെഷന്സ് കോടതിയാണ് വിധി പറയുന്നത്. കഴിഞ്ഞ വര്ഷം ജൂണ് 21 നാണ് ശാസ്താംകോട്ട പോരുവഴിയിലെ ഭര്തൃഗൃഹത്തില് നിലമേല് സ്വദേശി വിസ്മയയെ തൂങ്ങിമരിച്ച നിലയില് കണ്ടെത്തിയത്. ശരീരത്തിലാകമാനം മര്ദനമേറ്റതിന്റെ പാടുകളുണ്ടായിരുന്നു.
also read: കൂട്ടുകാര്ക്കൊപ്പം കുളിക്കാനിറങ്ങി, പുഴയില് ഒഴുക്കില്പ്പെട്ട് 17കാരന് ദാരുണാന്ത്യം
കേസില് ഒന്നാംപ്രതിയായ വിസ്മയയുടെ ഭര്ത്താവ് കിരണ് കുമാറിന് ജാമ്യം ലഭിച്ചിരുന്നു. കേസില് 102 സാക്ഷികളുണ്ട്. 92 റെക്കോര്ഡുകളും 56 തൊണ്ടിമുതലുകളുമാണ് കേസിലുള്ളത്.
ജനുവരി പത്തിനാണ് കേസില് വിചാരണ ആരംഭിച്ചത്. കേസിനെ തുടര്ന്ന് അസി. മോട്ടോര് വെഹിക്കിള് ഇന്സ്പെക്ടറായിരുന്ന കിരണ്കുമാറിനെ മോട്ടോര് വാഹന വകുപ്പിലെ ജോലിയില് നിന്നും സര്ക്കാര് പിരിച്ചുവിട്ടിരുന്നു.