തിരുവനന്തപുരം; കേരളത്തില് ഇന്നും കനത്ത മഴയ്ക്ക് സാധ്യത. രണ്ട് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. എറണാകുളം, മലപ്പുറം ജില്ലകളിലാണ് കാലാവസ്ഥ വകുപ്പ് ഇന്ന് യെല്ലോ അലര്ട്ട് പ്രഖ്യാപിച്ചത്. മഴയോടൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ട്.
യെല്ലോ അലേര്ട്ട് പ്രഖ്യാപിച്ച ജില്ലകളില് ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. മണിക്കൂറില് 40 കിലോമീറ്റര് വരെ വേഗതയില് ശക്തമായ കാറ്റിന് സാധ്യതയുള്ളതിനാല് ജാഗ്രത പാലിക്കണം. ഇടിമിന്നല് ഉള്ള സമയത്ത് പുറത്തിറങ്ങരുതെന്നും മുന്നറിയിപ്പില് വ്യക്തമാക്കുന്നു.
തെക്കേ ഇന്ത്യയ്ക്ക് മുകളിലെ ന്യുന മര്ദ്ദ പാത്തി, കിഴക്ക്- പടിഞ്ഞാറന് കാറ്റുകളുടെ സംയോജനം എന്നിവയുടെ സ്വാധീനത്തില് ഞായറാഴ്ച വരെ ഒറ്റപ്പെട്ട ശക്തമായ മഴക്കു സാധ്യതയെന്നാണ് കേന്ദ്ര കാലാവസ്ഥ വകുപ്പ് വ്യക്തമാക്കിയിട്ടുള്ളത്. ഞായറാഴ്ച മലപ്പുറം, വയനാട് ജില്ലകളില് ശക്തമായ മഴയ്ക്ക് സാധ്യതയുള്ളതായും മുന്നറിയിപ്പിലുണ്ട്.