തിരുവനന്തപുരം: കേരളത്തില് അടുത്ത 5 ദിവസം ഒറ്റപ്പെട്ട സ്ഥലങ്ങളില് ഇടി മിന്നലോട് കൂടിയ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. തെക്കേ ഇന്ത്യയ്ക്ക് മുകളിലെ ന്യുനമര്ദ്ദ പാത്തി, കിഴക്ക് പടിഞ്ഞാറന് കാറ്റുകളുടെ സംയോജനം എന്നിവയുടെ സ്വാധീനത്തിലാണ് മഴ ലഭിക്കുക.
വടക്കന് കേരളത്തില് ഇന്ന് ഒറ്റപ്പെട്ട ശക്തമായ മഴക്ക് സാധ്യതയുണ്ട്. അതിനാല് ജനങ്ങള് ജാഗ്രത പാലിക്കണമെന്നും മുന്നറിയിപ്പില് പറയുന്നു. ശക്തമായ മഴയ്ക്കുള്ള സാധ്യത കണക്കിലെടുത്ത് വയനാട് ജില്ലയില് ഇന്ന് യെല്ലോ അലര്ട്ട് പ്രഖ്യാപിച്ചു.
also read: ഭക്ഷണം പാചകം ചെയ്യുന്നത് ശൗചാലയത്തില് വെച്ച്, 30 വര്ഷമായി പ്രവര്ത്തിക്കുന്ന ഹോട്ടല് അടച്ചുപൂട്ടി
ഒറ്റപ്പെട്ട ശക്തമായ മഴയാണ് പ്രവചിക്കുന്നത്. 24 മണിക്കൂറില് 115.5 മില്ലിമീറ്റര് വരെ ലഭിക്കാവുന്ന ശക്തമായ മഴയ്ക്കുള്ള സാധ്യതയുള്ളതിനാല് ജാഗ്രത പാലിക്കണമെന്നും മുന്നറിയിപ്പില് വ്യക്തമാക്കുന്നു. കേരളത്തില് ഇന്ന് ശക്തമായ കാറ്റിനും സാധ്യതയുണ്ട്.
40 കിലോമീറ്റര് വരെ വേഗതയില് കാറ്റ് വീശാന് സാധ്യതയുള്ളതിനാല് ജാഗ്രത പാലിക്കണമെന്നും കേന്ദ്ര കാലാവസ്ഥ വകുപ്പ് അറിയിച്ചു. അതേസമയം, മത്സ്യത്തൊഴിലാളികള്ക്ക് കടലില് പോകുന്നതിന് വിലക്കില്ല.