കൊല്ലം: ഭാര്യയെ വിറക് കഷ്ണം കൊണ്ട് തലയ്ക്കടിച്ച ഭര്ത്താവ് അറസ്റ്റില്. കൊല്ലത്താണ് നടുക്കുന്ന സംഭവം. തഴുത്തല മിനി കോളനിയില് സുധീഷ് ഭവനത്തില് സുധീഷ് (27) ആണ് അറസ്റ്റിലായത്. ജോലിക്ക് പോകാന് ആവശ്യപ്പെട്ടതിനെത്തുടര്ന്ന് ഭാര്യ ലക്ഷ്മിയെയാണ് ഇയാള് ഉപദ്രവിച്ചത്.
ജനുവരി 26 ന് വൈകീട്ടായിരുന്നു സംഭവം. സുധീഷ് ജോലിക്കു പോകാതെ വീട്ടില് തന്നെ ഇരിക്കുന്നത് പതിവായിരുന്നു. ജോലിക്ക് പോകാന് സ്ഥിരമായി ഭാര്യ ലക്ഷ്മി സുധീഷിനോട് ആവശ്യപ്പെട്ടിരുന്നു. എന്നാല് ഇയാള് അതിന് തയ്യാറായിരുന്നില്ല.
ഇതേത്തുടര്ന്ന് ഇരുവരും തമ്മില് തര്ക്കം പതിവായിരുന്നു. സംഭവ ദിവസം സുധീഷിനോട് ജോലിക്ക് പോകണമെന്നും പണയംവെച്ച സ്വര്ണാഭരണങ്ങള് എടുത്തുനല്കണമെന്നും ലക്ഷ്മി ആവശ്യപ്പെട്ടു. ഇതില് പ്രകോപിതനായ പ്രതി ഭാര്യയെ വിറക് കഷ്ണം കൊണ്ട് തലയ്ക്കടിക്കുകയായിരുന്നു.
പിന്നാലെ ഒന്നരവയസ്സുള്ള ഇവരുടെ കുഞ്ഞിനെ തൂക്കിയെടുത്തു കട്ടിലിലേക്കെറിഞ്ഞ് പരിക്കേല്പ്പിക്കുകയും ചെയ്തതായി പൊലീസ് പറഞ്ഞു.