തിരുവനന്തപുരം: കേരളത്തില് കോവിഡ് ബാധിതരുടെ എണ്ണം ഉയരുകയാണ്. വൈറസ് വ്യാപനം മൂര്ച്ഛിക്കുന്ന സാഹചര്യത്തില് ഉന്നതവിദ്യാഭ്യാസ വകുപ്പിനുകീഴിലെ കോളേജുകള് അടച്ചിടുന്ന കാര്യം ആലോചിക്കുകയാണെന്ന് ഉന്നതവിദ്യാഭ്യാസമന്ത്രി ആര് ബിന്ദു പറഞ്ഞു.
പഠനം ഓണ്ലൈനാക്കുന്ന കാര്യമാണ് പരിശോധിക്കുന്നത്. വ്യാഴാഴ്ച ചേരുന്ന കോവിഡ് അവലോകന സമിതിയുടെ നിര്ദ്ദേശംകൂടി പരിഗണിച്ചാവും തീരുമാനം. ക്ലസ്റ്ററുകള് രൂപപ്പെട്ടാല് പതിനഞ്ച് ദിവസത്തേക്ക് അടച്ചിടാന് പ്രിന്സിപ്പാല്മാര്ക്ക് നിര്ദ്ദേശം നല്കിയിട്ടുണ്ട്.
also read: തൈപ്പൂയ ആഘോഷ എഴുന്നള്ളിപ്പിനിടയില് ആനയിടഞ്ഞു, ആളുകള് ചിതറിയോടി, പരിഭ്രാന്തി പരത്തിയ നിമിഷങ്ങള്
അതേസമയം തലസ്ഥാനത്തെ കോവിഡ് സാഹചര്യം അതീവ ഗുരുതരമെന്ന് മന്ത്രി ആന്റണി രാജു പറഞ്ഞു. ടെസ്റ്റ് ചെയ്യുന്ന രണ്ടിലൊരാള് പോസിറ്റീവ് ആവുകയാണ്. കൂടുതല് നിയന്ത്രണങ്ങളിലേക്ക് കടക്കുന്നില്ലെങ്കിലും നിലവിലുള്ള നിയന്ത്രണങ്ങള് കര്ശനമായി നടപ്പിലാക്കുമെന്ന് മന്ത്രി പറഞ്ഞു.
പ്രത്യേക അവലോകന യോഗത്തിന് ശേഷം സംസാരിക്കുകയായിരുന്നു മന്ത്രി. കേരളത്തില് ഏറ്റവും ഉയര്ന്ന ടി.പി.ആര് ഉള്ള ജില്ല തിരുവനന്തപുരമാണ്. 48 ശതമാനമാണ് ജില്ലയിലെ കോവിഡ് ടെസ്റ്റ് പോസിറ്റിവിറ്റി നിരക്ക്. തിരുവനന്തപുരം നഗരത്തിലാണ് ഏറ്റവും കൂടുതല് കേസുകള് റിപ്പോര്ട്ട് ചെയ്യുന്നത്.