തിരുവനന്തപുരം; തിരുവനന്തപുരം മെഡിക്കല് കോളേജിലെ സ്റ്റാഫ് നഴ്സിനെ കാണാതായതായി പരാതി. മെഡിക്കല് കോളേജിലെ സ്റ്റാഫ് നഴ്സ് ഋതുഗാമി (32) യെ ആണ് കാണാതായത്. നാലാഞ്ചിറയില് ബൈക്ക് വെച്ച് ഇദ്ദേഹം നടന്നുപോകുന്ന സിസിടിവി ദൃശ്യം പൊലീസിന് കിട്ടിയിട്ടുണ്ട്.
ഇദ്ദേഹത്തെ കാണാതായിട്ട് രണ്ടു ദിവസമായി. സംഭവത്തില് ഫോര്ട്ട് പൊലീസ് അന്വേഷണം ആരംഭിച്ചു. നാലാഞ്ചിറയില് ബൈക്ക് വെച്ച് ഇദ്ദേഹം നടന്നുപോകുന്നത് സിസിടിവിയില് പതിഞ്ഞിട്ടുണ്ട്. മൊബൈല്ഫോണുകളുടെ ടവര് ലൊക്കേഷന് അവസാനമായി കാണിക്കുന്നത് കേശവദാസപുരമാണ്.
also read: ‘കാപ്ഷന് പ്ലീസ്’; അത്ലറ്റായി മന്ത്രി ചിഞ്ചുറാണി, ചിത്രം ഏറ്റെടുത്ത് സോഷ്യല്മീഡിയ
രണ്ട് ഫോണ് നമ്പറുകളും ഓഫ് ചെയ്ത നിലയിലാണ്. അയര്ലണ്ടിലേക്ക് പോകുന്നതിന് ഒരുക്കങ്ങളിലായിരുന്നു ഋതുഗാമിയെന്ന് സഹപ്രവര്ത്തകര് പറയുന്നു. സര്ട്ടിഫിക്കറ്റുകള് അടങ്ങുന്ന ബാഗ് പൊലീസിന് കിട്ടിയിട്ടുണ്ട്. ഋതുഗാമിയെ കണ്ടെത്താനുള്ള തിരച്ചില് ഊര്ജിതമാക്കിയിരിക്കുകയാണ് പോലീസ്.