മലപ്പുറം: മലപ്പുറത്ത് 21കാരിയെ ബലാത്സംഗം ചെയ്യാന് ശ്രമിച്ച 15കാരന് കുറ്റം സമ്മതിച്ചു. പ്രതിയെ ജുവൈനല് ജസ്റ്റിസ് ബോര്ഡിന് മുന്നില് ഹാജരാക്കുമെന്ന് മലപ്പുറം എസ്പി സുജിത്ത് മാധ്യമങ്ങളോട് പറഞ്ഞു. യുവതിയെ പിന്തുടര്ന്ന പ്രതി ആളൊഴിഞ്ഞ വാഴത്തോട്ടത്തിനടുത്തെത്തിയപ്പോള് ആക്രമിക്കുകയായിരുന്നു.
ഇന്നലെ ഉച്ചക്ക് രണ്ടിനായിരുന്നു ആക്രമണം. കൈകള് കെട്ടിയിരുന്നു, ഷാള് പെണ്കുട്ടിയുടെ വായ്ക്കുള്ളില് കുത്തിക്കയറ്റിയാണ് പീഡിപ്പിക്കാന് ശ്രമിച്ചത്. പീഡന ശ്രമം ചെറുത്തപ്പോള് കല്ലുകൊണ്ട് ഇടിച്ചു പരുക്കേല്പ്പിച്ചു. തെളിവായി സിസിടിവി ദൃശ്യങ്ങളും പൊലീസിന് ലഭിച്ചിരുന്നു.
ബലാല്സംഗ ശ്രമത്തിനിടെ ഓടി രക്ഷപ്പെട്ട ഇരുപത്തിയൊന്നുകാരി പരിസരത്തുള്ള വീട്ടില് അഭയം തേടുകയായിരുന്നു.യുവതിയെ ആക്രമിക്കുന്നതിനിടെ പതിനഞ്ചുകാരന് ദേഹത്ത് മുറിവുകള് ഉണ്ടായിരുന്നു. ഇത് എങ്ങനെ ഉണ്ടായെന്ന വീട്ടുകാരുടെ ചോദ്യത്തിന് നായ കടിച്ചതെന്നായിരുന്നു മറുപടി.
ഇന്റര്നെറ്റിന്റെ ദരുപയോഗം ക്രൈമിന് കാരണമാകാം. ചോദ്യം ചെയ്യല് പൂര്ത്തിയായതായും എസ്പി പറഞ്ഞു. പ്രതിക്ക് ക്രിമിനല് പശ്ചാത്തലമില്ലെന്നും പത്താം ക്ലാസിലാണ് പഠിക്കുന്നതെന്നും ജില്ലാ ലെവല് ജൂഡോ ചാംപ്യനാണെന്നും എസ് പി പറഞ്ഞു.