എറണാകുളം : വീട്ടിലെ ശുചിമുറിയില് വമ്പന് രാജവെമ്പാല. എറണാകുളത്താണ് സംഭവം. നെല്ലിത്തോട് പുതുച്ചേരി ജാണിയുടെ വീട്ടിലെ ശുചി മുറിയിലാണ് രാജവെമ്പാലയെ കണ്ടത്. 12 അടിയുള്ള രാജവെമ്പാലയില് നിന്ന് വീട്ടുകാര് രക്ഷപ്പെട്ടത് ഭാഗ്യശാല് മാത്രമാണ്.
വീടിന് പുറത്തെ ശുചിമുറിയിലാണ് രാജവെമ്പാലയെ കണ്ടത്. വീട്ടുകാര് ശുചി മുറിയില് പോയപ്പോള് ക്ലോസറ്റിന് സമീപം കിടക്കുകയായിരുന്നു ഇത്. പാമ്പിനെ കണ്ടതോടെ വീട്ടുകാര് നിലവിളിച്ചു. ശുചിമുറിയുടെ വാതില് തുറക്കുമ്പോള് തന്നെ പാമ്പിനെ കണ്ടതിനാല് അപകടത്തില് നിന്നും വീട്ടുകാര് രക്ഷപ്പെട്ടത് തലനാരിഴയ്ക്കാണ്.
തുടര്ന്ന് വനം വകുപ്പിനെ വിവരം അറിയിച്ചു. സ്പെഷ്യല് ഫോറസ്റ്റ് പ്രൊട്ടക്ഷന് ഫോഴ്സ് ഓഫീസര് ജെ ബി സാബു, വാച്ചര് ബെന്നി എന്നിവര് എത്തി രാജവെമ്പാലയെ പിടികൂടുകയായിരുന്നു. 12 അടി നീളമുള്ള പെണ് രാജവെമ്പാലയായിരുന്നു ഇത്.