തിരുവനന്തപുരം: തര്ക്കത്തിനിടെ യുവാവിനെ കാറിന് മുന്നിലേക്ക് തള്ളിയിട്ട് കൊന്ന സംഭവത്തില് പ്രതിയായ ഡിവൈഎസ്പി ഹരികുമാര് മധുരയിലേക്ക് കടന്നതായി സൂചന. ഇയാളെ പിടികൂടാന് അന്വേഷണസംഘം മധുരയിലേക്ക് പുറപ്പെട്ടു. 10 സംഘങ്ങളായി തിരിഞ്ഞാണ് കേസ് അന്വേഷണം നടക്കുന്നത്.
കഴിഞ്ഞ ദിവസമാണ് നെയ്യാറ്റിന്കരയില് റോഡിലെ തര്ക്കത്തെ തുടര്ന്ന് ഡിവൈഎസ്പി യുവാവിനെ കാറിന് മുന്നിലേക്ക് പിടിച്ച് തള്ളി കൊലപ്പെടുത്തിയത്. സംഭവത്തില് ഡിവൈഎസ്പി ഹരികുമാറിനെതിരെ കൊലക്കുറ്റത്തിന് കേസെടുത്തിരുന്നു. എന്നാല് ഹരികുമാര് ഒളിവില് പോവുകയായിരുന്നു.
കാവുവിള സ്വദേശി സനല്കുമാര് (32) ആണ് കൊല്ലപ്പെട്ടത്. ഇലക്ട്രീഷ്യനായിരുന്നു സനല്. ഭാര്യയും രണ്ടു മക്കളുമുണ്ട്.