ശബരിമല: പ്രതിഷേധങ്ങളും ആശങ്കകളും നിലനില്ക്കെ ശബരിമല ഇന്ന് നടതുറക്കും. ശബരിമലയില് യുവതീ പ്രവേശനം ഉണ്ടായാല് നട അടയ്ക്കുമെന്ന നിലപാടില് ഉറച്ച് നില്ക്കുകയാണ് മേല്ശാന്തി ഉണ്ണികൃഷ്ണന് നമ്പൂതിരി. ആചാരലംഘനമുണ്ടായാല് നട അടച്ച് ശുദ്ധികലശം നടത്തുമെന്ന് മേല്ശാന്തി അറിയിച്ചു.
ഐജി അജിത്ത് കുമാര് സന്നിധാനത്തെത്തി മേല്ശാന്തി ഉണ്ണികൃഷ്ണന് നമ്പൂതിരിയെ സന്ദര്ശിച്ചിരുന്നു. ഈ അവസരത്തിലാണ് മേല്ശാന്തി ഇക്കാര്യം വ്യക്തമാക്കിയത്. യുവതികള് വീണ്ടുമെത്തിയാല് ഈ പ്രക്രിയ ആവര്ത്തിക്കുമെന്നും മേല്ശാന്തി വ്യക്തമാക്കി.
തിങ്കളാഴ്ച ഉച്ചയോടെ തന്ത്രി കണ്ഠര് രാജീവര് എത്തുമെന്നും അദ്ദേഹത്തിന്റെ നിര്ദ്ദേശ പ്രകാരം കാര്യങ്ങള് നടപ്പാക്കുമെന്നും മേല്ശാന്തി പറഞ്ഞു. ചിത്തിര ആട്ട വിശേഷത്തിന് തിങ്കളാഴ്ച വൈകിട്ട് അഞ്ചിനാണ് നടതുറക്കുന്നത്. വന്പോലീസ് വലയത്തിലാണ് ശബരിമലയും പരിസരപ്രദേശവും.