തിരുവനന്തപുരം: മണ്വിളയിലെ ഫാമിലി പ്ലാസ്റ്റികിന്റെ നിര്മാണ യൂണിറ്റിലുണ്ടായ തീപിടിത്തം പ്രത്യേക സംഘം അന്വേഷിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ. ഡിസിപിയുടെ നേതൃത്വത്തിലായിരിക്കും അന്വേഷണം നടക്കുക.
നേരത്തെ, തീപിടുത്തമുണ്ടായ സംഭവത്തില് സമഗ്രമായ അന്വേഷണം നടത്തുമെന്ന് പോലീസും ഫയര്ഫോഴ്സും വ്യക്തമാക്കിയിരുന്നു. 500 കോടിയുടെ നഷ്ടമാണ് ഇപ്പോള് ഫാമിലി പ്ലാസ്റ്റിക്സ് അധികൃതര് കണക്കുക്കൂട്ടിയിരിക്കുന്നത്.
ഇന്നലെ വൈകിട്ട് ഏഴേകാലോടെ ആരംഭിച്ച അഗ്നിബാധ ഏതാണ്ട് പന്ത്രണ്ട് മണിക്കൂറുകള്ക്ക് ശേഷമാണ് നിയന്ത്രണ വിധേയമായത്. അഗ്നിശമനസേനയുടെ കാര്യക്ഷമമായ പ്രവര്ത്തനമാണ് കൂടുതല് ദുരന്തത്തില് നിന്നും രക്ഷപ്പെടുത്തിയത്.