പത്തനംതിട്ട: നാളെ പത്തനംതിട്ടയില് ബിജെപി ഹര്ത്താല്. യുവമോര്ച്ച മാര്ച്ചിനിടെ സംസ്ഥാന അധ്യക്ഷന് പ്രകാശ് ബാബുവിന് മര്ദ്ദനമേറ്റതില് പ്രതിഷേധിച്ചാണ് ഹര്ത്താല്.
ശബരിമല സ്ത്രീ പ്രവേശന വിഷയവുമായി ബന്ധപ്പെട്ട് ദേവസ്വം ബോര്ഡ് പ്രസിഡന്റ് എ പത്മകുമാറിന്റെ ആറന്മുളയിലെ വീട്ടിലേക്ക് യുവമോര്ച്ച പ്രവര്ത്തകര് നടത്തിയ മാര്ച്ചിലുണ്ടായ സംഘര്ഷത്തിലാണ് പ്രകാശ് ബാബുവിന് മര്ദ്ദനമേറ്റത്. പോലീസ് ബാരിക്കേഡ് ഭേദിച്ച് പ്രവര്ത്തകര് വീട്ടിലേക്ക് തള്ളി കയറാന് ശ്രമിച്ചു. വിധിയില് പുനപരിശോധന ഹര്ജി നല്കാത്ത ദേവസ്വം ബോര്ഡ് നിലപാടില് പ്രതിഷേധിച്ചായിരുന്നു മാര്ച്ച്. അതേസമയം, ശബരിമല സ്ത്രീ പ്രവേശന വിഷയത്തില് തന്ത്രി കുടുംബവുമായി മുഖ്യമന്ത്രി തിങ്കളാഴ്ച ചര്ച്ച നടത്തും.