ന്യൂഡല്ഹി: അന്തരിച്ച എലിസബത്ത് രാജ്ഞിയോടുള്ള ആദര സൂചകമായി നാളെ രാജ്യത്ത് ഔദ്യോഗിക ദുഃഖാചരണം. ഇതിന്റെ ഭാഗമായി സംസ്ഥാനത്ത് ദേശീയ പതാക പതിവായി ഉയര്ത്തുന്ന സ്ഥലങ്ങളില് പകുതി താഴ്ത്തിക്കെട്ടും.
പതാക പകുതി താഴ്ത്തിക്കെട്ടുന്നതിനുള്ള നടപടി സ്വീകരിക്കുന്നതിന് പൊതുഭരണ വകുപ്പ് ജില്ലാ കളക്ടര്മാര്ക്ക് നിര്ദേശം നല്കി. നാളെ ഔദ്യോഗിക വിനോദ പരിപാടികളൊന്നും ഉണ്ടാകില്ലെന്നാണ് അറിയിപ്പ്.
ALSO READ- കോഴിക്കോട് മെഡിക്കൽ കോളേജിൽ രോഗി തൂങ്ങി മരിച്ചു; രാജന്റെ വിയോഗത്തിൽ ഞെട്ടി കുടുംബം
സെപ്റ്റംബര് 11 ന് ദുഖാചരണം നടത്തുന്നതിനും ഔദ്യോഗിക പരിപാടികളും ചടങ്ങുകളും ഒഴിവാക്കുന്നതിനും തീരുമാനിച്ചിട്ടുണ്ടെങ്കിലും മുന്പ് ആരംഭിച്ചതും നടന്നുകൊണ്ടിരിക്കുന്നതുമായ ഓണാഘോഷ പരിപാടികള് തുടരും. സംസ്ഥാന മന്ത്രിമാരും ജനപ്രതിനിധികളും ഉദ്യോഗസ്ഥരും 11 ന് ഔദ്യോഗിക ചടങ്ങുകള് ഒഴിവാക്കിയേക്കും.